U vychadnyja poźniaja vosień nahadaje pra siabie. I kali ŭ subotu źmieny čakajucca niaznačnyja, to ŭ niadzielu charaktar nadvorja istotna źmienicca, raspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
U subotu, 7 listapada, abstanoŭka istotna nie źmienicca: umovy nadvorja na terytoryi Biełarusi budzie vyznačać vobłaść pavyšanaha atmaśfiernaha cisku, sfarmavanaja ŭ vilhotnaj pavietranaj masie. U asobnych rajonach nievialikija daždžy. Miescami tuman, nočču i ranicaj słaby hałalod. Tempieratura nočču -3 — +3°S, dniom 2 — +8°S.
U niadzielu, 8 listapada, nadvorje istotna źmienicca: vobłaść vysokaha cisku źmienić cykłon i aktyŭnyja atmaśfiernyja franty, jakija pryniasuć niepahodlivaje nadvorje. Nočču miescami karotkačasovyja daždžy. Ranicaj i dniom časam daždžy, u asobnych rajonach mocnyja daždžy. Dniom pa paŭdniova-zachodniaj pałovie ŭzmacnieńnie vietru paryvami da 15-20 m/s, miescami da 23 m/s. Tempieratura pavietra ŭnačy 0, + 6°S, pa ŭschodzie -1 — -3°S; dniom ad + 5°S pa ŭschodzie da + 13°S pa zachadzie krainy.
U Minsku ŭ subotu vobłačna z prajaśnieńniami. Bieź istotnych apadkaŭ. Miescami pa horadzie słaby tuman. Viecier paŭdniova-ŭschodni 2-7 m/s. Tempieratura nočču kala 0°C, dniom 3 — +5°S.
U niadzielu nočču karotkačasovy doždž. Dniom doždž, časam mocny doždž. Viecier mocny paryvisty. Tempieratura pavietra ŭnačy 1 — + 3°S, dniom 7 + 9°S.
Dalej atmaśfiera zastaniecca vielmi ruchomaj. Jana abumović chutkuju źmienu niabiesnych dekaracyj: z rezka źmienlivymi napramkam i paryvami vietru, daždžami roznaj intensiŭnaści.
Kamientary