Na paŭnočnaj miažy Hrecyi z Makiedonijaj mihranty z Maroka, Irana i Pakistana pierakryli čyhunku na šlachu ŭ zachodniuju Jeŭropu, paviedamlaje Reuters.
Adzin ź iranskich mihrantaŭ abviaściŭ haładoŭku.Jon raspranuŭsia pa pojas i sšyŭ vusny razam, siedziačy nasuprać kardona makiedonskaj palicyi.
Na pytańnie karespandenta, čaho jon damahajecca, 34-hadovy inžynier Chamid adkazaŭ: «Ja hatovy jechać u lubuju volnuju krainu śvietu, viarnucca nazad nie mahu — mianie zabjuć».
Jak paviedamlałasia raniej, na minułym tydni Słavienija, člen Šenhienskaj zony, abviaściła ab tym, što budzie prapuskać tolki biežancaŭ ź Siryi, Iraka i Afhanistana, u toj ža čas adpraŭlajučy nazad usich astatnich mihrantaŭ, jakich ličyć ekanamičnymi. Paźniej da hetaj palityki dałučylisia inšyja krainy na šlachu mihrantaŭ: Charvatyja, Sierbija i Makiedonija. Pravaabaroncy ŭžo zajavili pra toje, što prytułak pavinien davacca nie pa nacyjanalnaj prykmiecie, a ŭ suviazi z realnaj nieabchodnaściu.
Novyja miery na miažy vyšejpieraličanych krain supali z zaniepakojenaściu siarod nasielnictva Jeŭropy, vyklikanaj patokam mihrantaŭ i teraktami ŭ Paryžy 13 listapada.
Kamientary