U Francyi prajšła nacyjanalnaja cyrymonija ŭ pamiać ab achviarach terarystyčnych aktaŭ u Paryžy 13 listapada.
Razam z pamierłymi ad ranieńniaŭ paśla kolkaść achviar sieryi skaardynavanych napadaŭ skłała 130 čałaviek.
U piatnicu prezident krainy Fransua Aland uziaŭ udzieł u cyrymonii na płoščy Invalidaŭ u Paryžy — paradnym kompleksie, jaki ŭklučaje ŭ siabie mahiłu Napaleona i vajenny muziej.
Na cyrymonii prysutničali ludzi, acalełyja ŭ trahiedyi, i svajaki tych, chto jaje nie pieražyŭ. Byli začytanyja imiony ŭsich zahinułych, paśla čaho prysutnyja ŭšanavali ich pamiać chvilinaj maŭčańnia.
Aland zajaviŭ, što Francyja «zrobić usio mahčymaje dla taho, kab źniščyć hetaje vojska fanatykaŭ». Jon taksama abiacaŭ, što dziaržava «budzie pracavać biez stomy, kab abaranić svaich dziaciej».
Napiaredadni cyrymonii ŭłady prapanavali hramadzianam prademanstravać salidarnaść z zahinułymi, «upryhožyŭšy svoj dom sinie-bieła-čyrvonym ściaham».
Razam z tym nie ŭsie svajaki zahinułych pryniali zaprašeńnie na cyrymoniju na płoščy Invalidaŭ. U intervju francuzskim ŚMI niekatoryja ź ich patłumačyli svajo rašeńnie tym, što ŭłady niedastatkova zrabili dla abarony hramadzian paśla napadaŭ na redakcyju satyryčnaha vydańnia Charlie Hebdo ŭ studzieni hetaha hoda.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty1
Kamientary