Tradycyjny štohadovy pres-tur dla žurnalistaŭ rasijskich rehijanalnych ŚMI pavinien byŭ adbycca ŭ pačatku listapada, ale byŭ dvojčy pieraniesieny: spačatku na kaniec listapada, zatym — na niavyznačany termin.
Pryčynaj, jak i ź pieranosam vizitu Alaksandra Łukašenki ŭ Rasiju, nazvany ščylny hrafik kiraŭnika dziaržavy. Niekatoryja ŭdzielniki pres-tura skardziacca, što ŭžo dvojčy kupili niezvarotny kvitki z svaich rehijonaŭ u Maskvu.
U minułyja hady rasijskija rehijanalnyja žurnalisty pryjazdžali z pres-turam u Biełaruś u vieraśni—kastryčniku. Jany naviedvali biełaruskija rehijony i ŭdzielničali ŭ pres-kanfierencyi Alaksandra Łukašenki. U hety raz pres-tur pieršapačatkova płanavaŭsia na pieršuju pałovu listapada, adnak 2 listapada ŭ hrupie pastajannych udzielnikaŭ prezidenckich pres-turaŭ rasijskich ŚMI ŭ Biełaruś u «Fejsbuku» źjavilisia paviedamleńni ab tym, što pajezdka budzie pieraniesiena aryjencirovačna na pačatak śniežnia.
U nastupnych abmierkavańniach rasijskija žurnalisty skardzilisia, što ŭžo kupili niezvarotny kvitki na samaloty da Maskvy sa svaich rehijonaŭ.
Jak patłumačyŭ TUT.BY udzielnik adnaho ź minułych pres-turaŭ, pa ŭmovach arhanizacyi pajezdki, žurnalisty za svoj košt abo za košt redakcyj dabiralisia da rasijskaj stalicy. Košt kvitkoŭ časam dachodziła da 15 tysiač rasijskich rubloŭ u adzin bok (kala 4 młn biełaruskich rubloŭ).
Zatym žurnalistam paviedamili novyja daty pres-tura - 28 listapada - 1 śniežnia, z vyjezdam z Maskvy 27 listapada. Adnak napiaredadni vizitu jaho znoŭ pieranieśli. Jak pišuć sami ŭdzielniki, 24 listapad im patelefanavali z pasolstva Biełarusi i skazali, što vizit znoŭ pieranosicca, i ciapier - na niavyznačany termin.
U abmierkavańniach žurnalisty źviazvajuć hetuju situacyju ź pieranosam vizitu Alaksandra Łukašenki ŭ Maskvu, a taksama sa składanym mižnarodnym stanoviščam.
Pres-sakratar prezidenta Natalla Ejsmant prakamientavała situacyju:
— Pres-kanfierencyja — mierapryjemstva tradycyjnaje, jano budzie pravodzicca, nichto nie źbirajecca jaho admianiać, prosta pakul ja ničoha nie mahu skazać pa terminach. U nas tut, bačycie, hrafik nasyčany i mabilny. Voś i sustreča (z Uładzimiram Pucinym) pieraniesłasia. Zychodziačy z hetaha i mnohich inšych mierapryjemstvaŭ ŭ hrafiku kiraŭnika dziaržavy buduć vyznačacca terminy pres-kanfierencyi. Sami razumiejecie, ciapier było b navat niełahična jaje pravodzić, bo ŭsie važnyja pytańni buduć abmiarkoŭvacca padčas aficyjnaha vizitu (u Rasiju).
Aryjencirovačnym časam praviadzieńnia pres-kanfierencyi Natalla Ejsmant nazvała pačatak 2016 hoda.
Kamientary