Biełaruski abaronca «Małahi» Jahor Filipienka debiutavaŭ u čempijanacie Ispanii. Jon vyjšaŭ 6 śniežnia ŭ startavym składzie ŭ haściavym matčy suprać «Atletyka» ź Bilbaa.
Filipienka pierajšoŭ u «Małahu» z BATE ŭ studzieni 2015 h., ale zhulaŭ tolki dvojčy, pryčym u matčach Kubka krainy.
13 studzienia jaho kłub hulaŭ suprać «Levante». Filipienka vyjšaŭ na pole na 64-j chvilinie. «Małaha» na toj momant upeŭniena pieramahała ź likam 2:0, adnak tady paśla vychadu Filipienki abarona kamandy razvaliłasia i prapuściła try miačy. Paśla hetaha Jahor na poli ŭ składzie andałuskaha kłuba nie źjaŭlaŭsia: ni ŭ matčach kubka, ni, tym bolš, u čempijanacie.
Tolki na hetym tydni jon zhulaŭ u kubku krainy suprać «Mirandesa» (1:2).
Siońnia biełarus pravioŭ na poli 45 chvilin i byŭ zamienieny ŭ pierapynku. Za hety čas Jahor zrabiŭ dva pierachopy, dvojčy hublaŭ miač, adzin raz sfaliŭ, za što atrymaŭ žoŭtuju kartku na 12-j chvilinie, a taksama raz vymusiŭ supiernika sfalić na sabie.
Matč zaviaršyŭsia nulavoj ničyjoj, pry hetym z 18-j chviliny «Małaha» hulała ŭ bolšaści paśla vydaleńnia Mikiela San Chase.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary