Šatłandskija inžyniery raspracavali videakamieru, zdolnuju hladzieć za vuhał i adsočvać pieramiaščeńni schavanaha ad jaje abjekta z dakładnaściu da niekalkich santymietraŭ.
Navukoŭcy nie pieršy raz nastrojvajuć kamiery na toje, kab «zazirać za vuhał». Adnak ciapier isnujučyja mietady patrabujuć niamała času dla vyjaŭleńnia celi — praz što palavańnie za abjektami, jakija ruchajucca, i adsočvańnie ich pieramiaščeńnia ŭ realnym časie zastajecca niavyrašanaj zadačaj, paviedamlajuć infarmahienctvy sa spasyłkaj na časopis Nature Photonics.
Novaja sistema, sprajektavanaja Ženieŭjevaj Harapi, Daniele Fača i ich kalehami z Univiersiteta Chieryjata-Uata, składajecca z dvuch elemientaŭ: łaziera i kamiery na adnafatonnych łavinavych dyjodach, jakaja adroźnivajecca vysokaj adčuvalnaściu i chutkim spracoŭvańniem. Inžyniery «strelili» patokam karotkich łaziernych impulsaŭ u bok padłohi, prosta pierad vuhłom. Padłoha raśsiejała hetyja impulsy, jakija ŭ vyniku «ŭdaryli» pa schavanym za vuhłom abjekcie — lalcy ź pienapłastu vyšynioj u 30 santymietraŭ.
Impulsy adbilisia ad abjekta i patrapili ŭ pole ahladu kamiery. Pa časie pralota śvietłavych impulsaŭ i raśsiejvańni śviatła sistema stvaraje sabie ŭjaŭleńnie pra miescaznachodžańnie schavanaha abjekta. Aparat dazvalaje adsočvać pieramiaščeńnie apošniaha ź intervałam usiaho ŭ try siekundy, na adlehłaści da mietra. U dalejšym inžyniery płanujuć navučyć sistemu rekanstrujavać trochmiernuju formu schavanych abjektaŭ.
Spatrebicca novy aparat u sistemach videanazirańnia i dla papiaredžańnia sutyknieńniaŭ transpartnych srodkaŭ.
Kamientary