Supracoŭnikami adździeła narkakantrolu i supraćdziejańnia handlu ludźmi Žodzinskaha HAUS i Smalavickaha RAUS zatrymana hrupa žodzinskich niepaŭnaletnich, u jakuju ŭvachodzili piać chłopcaŭ i dziaŭčyna.
Jak paviedamlajecca na sajcie UUS Minskaha abłvykankama sa spasyłkaj na vydańnie «Žodzinskija naviny», pad vyhladam niepaŭnaletniaj dziaŭčyny ŭ sacsietkach jany śpisvalisia z mužčynami i prapanoŭvali pasłuhi intymnaha charaktaru za 150 dołaraŭ. Kali prychodziła paviedamleńnie ŭ adkaz, zadavali pytańnie: «A ci nie zasmučaje vas uzrost?» Takim čynam padletki sprabavali vyličyć piedafiłaŭ.
Zaraz zarehistravanyja try materyjały pravierak u dačynieńni da hetaj hrupy maładych ludziej.
Kali mužčyna pryjazdžaŭ u Žodzina i sustrakaŭsia ź dziaŭčynaj, u peŭny momant jany ŭryvalisia ŭ maskach i prymianiali fizičnuju siłu, a zatym pad pryčynaj nieraspaŭsiudžvańnia infarmacyi ab tym, što jon piedafił, patrabavali hrašovyja srodki.
Pavodle słoŭ pieršaha namieśnika načalnika milicyi — načalnika kryminalnaj milicyi Žodzinskaha HAUS Vitala Pručkoŭskaha, letaś u dačynieńni da členaŭ ruchu «Stop — piedafił» byli raspačatyja kryminalnyja spravy za rabavańnie, chulihanstva i vymahańnie, adkaznaść pa jakich nastupaje z 14-hadovaha ŭzrostu, a termin pakarańnia pa hetych artykułach — da 15 hadoŭ pazbaŭleńnia voli.
Za hod u Minskaj vobłaści raspačata kala 25 kryminalnych spraŭ u dačynieńni da piedafiłaŭ. Jak praviła, ich achviarami stanoviacca dzieci, jakija znachodziacca ŭ sacyjalna niebiaśpiečnym stanoviščy. Vyjaŭlenyja vypadki, kali ajčym učyniaŭ hetyja dziejańni ŭ dačynieńni da niarodnych dziaciej, a taksama, kali asoby mužčynskaha połu pryjazdžali ŭ nievialikija harady, vioski, znachodzili dziaciej, baćki jakich naležnym čynam nie vychoŭvajuć ich, prykormlivali i spakušali małaletnich.
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła11
Kamientary