Apostalski Nuncyj Kłaŭdzia Hudžeroci raspačaŭ słužeńnie va Ukrainie
Arcybiskup Kłaŭdzia Hudžeroci prybyŭ 15 śniežnia va Ukrainu, dzie jaho vitali katalickija ijerarchi i supracoŭniki Nuncyjatury.
Novaha Apostalskaha Nuncyja, jaki raniej vykonvaŭ abaviazki pradstaŭnika Śviatoha Pasadu ŭ Biełarusi, vitali kiraŭnik Ukrainskaj hreka-katalickaj carkvy arcybiskup Śviatasłaŭ Šaŭčuk, arcybiskup Kijeva-Žytomirskaj dyjacezii Ryma-katalickaha kaścioła Piotr Malčuk, biskup Mukačyŭskaj jeparchii Hreka-katalickaj carkvy Miłan Šašyk.
Apostalski Nuncyj u pieršy ž dzień adviedaŭ kardynała Lubamira Huzara, ź jakim Papski pasłańnik daŭno znajomy. Paśla razmovy ijerarchi razam pamalilisia ŭ kaplicy, i na raźvitańnie arcybiskup Kłaŭdzia Hudžeroci paprasiŭ kardynała ab błasłavieńni.
U budynku Apostalskaj Nuncyjatury arcybiskupa Hudžeroci vitali jaho novyja padnačalenyja. Jak skazaŭ pradstaŭnik Papy, jon upieršyniu maje taki vialiki kalektyŭ supracoŭnikaŭ i spadziajecca dobra vykanać svaju misiju.
Časovym pavieranym u spravach Apostalskaj Nuncyjatury ŭ Biełarusi da pryjezdu novaha Apostalskaha Nuncyja pryznačany sakratar Apostalskaj Nuncyjatury mansieńjor Marynka Antołavič.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj34
Kamientary