Апостальскі Нунцый Клаўдзіа Гуджэроці распачаў служэнне ва Украіне
Арцыбіскуп Клаўдзіа Гуджэроці прыбыў 15 снежня ва Украіну, дзе яго віталі каталіцкія іерархі і супрацоўнікі Нунцыятуры.

Новага Апостальскага Нунцыя, які раней выконваў абавязкі прадстаўніка Святога Пасаду ў Беларусі, віталі кіраўнік Украінскай грэка-каталіцкай царквы арцыбіскуп Святаслаў Шаўчук, арцыбіскуп Кіева-Жытомірскай дыяцэзіі Рыма-каталіцкага касцёла Пётр Мальчук, біскуп Мукачыўскай епархіі Грэка-каталіцкай царквы Мілан Шашык.
Апостальскі Нунцый у першы ж дзень адведаў кардынала Любаміра Гузара, з якім Папскі пасланнік даўно знаёмы. Пасля размовы іерархі разам памаліліся ў капліцы, і на развітанне арцыбіскуп Клаўдзіа Гуджэроці папрасіў кардынала аб блаславенні.
У будынку Апостальскай Нунцыятуры арцыбіскупа Гуджэроці віталі яго новыя падначаленыя. Як сказаў прадстаўнік Папы, ён упершыню мае такі вялікі калектыў супрацоўнікаў і спадзяецца добра выканаць сваю місію.
Часовым павераным у справах Апостальскай Нунцыятуры ў Беларусі да прыезду новага Апостальскага Нунцыя прызначаны сакратар Апостальскай Нунцыятуры мансеньёр Марынка Антолавіч.
Цяпер чытаюць
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю
Каментары