U lesie budzie sustrakać Novy hod pierasialeniec na Paleśsie Andruś Horvat
Samym čytanym materyjałam hoda na sajcie NN.BY stała nie palityka (Minski samit) i nie seks (siamiejnaje žyćcio Lusi Łuščyk), a dziońnik chłopca, jaki pierajechaŭ ź Minska ŭ dziedavu chatu ŭ hłušy Paleśsia.
Bolš za 97 000 čałaviek pračytali jahonyja zapisy ŭ biełaruskaj viersii sajta i jašče 8 000 — u rasiejskaj.
«Pieršyja chviliny hetaha hoda ja sustreŭ u šmattysiačnym natoŭpie ŭ Vilni, — piša Horvat u siabie ŭ fejsbuku. — Apošnija chviliny ja praviadu ŭ adzinocie ŭ svajoj chacie ŭ Prudku. Budzie maroz i śnieh. Budzie hareć ahoń u piečy. I ja spalu ŭ im usio niepatrebnaje. Ja pamyjusia ledzianoj vadoj, budu pić harbatu ŭ lesie i hladzieć u nieba. U mianie niama televizara, ałkaholu i sałataŭ. U mianie jość tolki les, Kosmas, vada i ahoń. U mianie niama ničoha, ale ja maju ŭsio. I heta moj vybar.
Maje šanoŭnyja! Vybierycie sabie nastupny hod sami. Vaźmicie taki, jaki vam škada budzie adpuskać apaśla.
Sa śviatami!» — vinšuje jon.
Pavinšujcie i Vy ŭ kamientach da hetaha artykuła čałavieka, jaki kanceptualna vybraŭ paleskuju hłuš i piša tam fajnyja rečy.
Kamientary