A prajezd u haradzkim transparcie padaražeŭ dla studentaŭ za hety čas u try razy.
Za apošnija try hady pamier stypendyjaŭ u Biełarusi pavialičyŭsia ŭ 1,5 razy. Pryblizna takimi ž tempami ros i biudžet pražytačnaha minimumu — stypendyi abahnali hety pakazčyk usiaho na dva adsotki. A prajezd u haradzkim transparcie padaražeŭ dla studentaŭ za hety čas u try razy.
Pra pamiery stypendyi raspaviała 2 krasavika Lidzija Subockaja — kiraŭnica hałoŭnaha ŭpraŭleńnia sacyjalna‑ekanamičnaha raźvićcia Ministerstva adukacyi — na pasiedžańni pastajannaj kamisii Rady Respubliki pa adukacyi, navucy, kultury i humanitarnych pytańniach.
Pa jejnych słovach, apošniaje pavyšeńnie stypendyjaŭ adbyłosia 1 listapada 2007 i zaraz studenty‑biudžetniki atrymoŭvajuć ad 89,4 tysiač da 143,1 tysiačy rubloŭ. Biudžet pražytkavaha minimuma za try hady vyras na 48 %.
Ale na što možna patracić hetyja hrošy? U biudžet pražytkovaha minimuma, jaki składaje ad pačatku biahučaha hodu ŭ siarednim 200 080 rubloŭ, a dla studentaŭ — 210 860 rubloŭ, uvachodziać tolki asnoŭnyja pradukty i pasłuhi dla zabieśpiačeńnia minimalnaha spažyvańnia. Ceny na ich albo rastuć marudna, albo rehulujucca dziaržavaju.
Naprykład, u struktury biudžetu pražytkavaha minimuma vydatki na transpart razam z pobytavymi pasłuhami praduhledžanyja ŭ pamiery 7,5 % — a heta 15 tysiač rubloŭ, u toj čas jak prajazny na adzin vid transpartu kaštuje bolš za 23 tysiačy, to bok — čverć stypendyi.
U toj čas, jak stypendyja ŭzrasła ŭ 1,5 razy za try hady, prajezd u tym ža transparcie z 2005 hoda pavialičyŭsia ŭ try razy.
Adnačasova kolkaść biudžetnych miescaŭ skaračajecca, uzrovień apłaty za navučeńnie niaspynna pavyšajecca. Pa słovach Lidzii Subockaj, stypendyi buduć raści adnačasova z pavyšeńniem zarabotnaj płaty ŭ krainie. I kali dla studentaŭ‑biudžetnikaŭ rost apłaty pracy ŭ Biełarusi aznačaje nieistotny dadatak da stypendyi, dla studentaŭ‑płatnikaŭ — značnaje pavyšeńnie apłaty.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja87
Kamientary