Za palityku asudzili byłoha siabra ŁDPB, jaki trymaŭ stryptyz-kłub na Zybickaj
Dźmitryj Burak nazyvaŭ siabie biznes-aniołam, bałatavaŭsia ad ŁDPB i ličyŭsia adnym z samych bahatych kandydataŭ.
U Minskim haradskim sudzie vynieśli prysud 46‑hadovamu Dźmitryju Buraku.
U raniejšych intervju jon raskazvaŭ, što dziesiać hadoŭ adpracavaŭ na dziaržaŭnaj słužbie, a paśla pajšoŭ u biznes. Spačatku zajmaŭsia mantažam vientylacyi, paśla liftami, układaŭsia i ŭ IT-śfieru. Siarod inšych jaho aktyvaŭ stryptyz-kłub Gentleman's House na Zybickaj.
Burak nazyvaŭ siabie biznes-aniołam i ŭznačalvaŭ sietku Angels band.
Aproč taho, Dźmitryj byŭ siabram Libieralna-demakratyčnaj partyi. Jon bałatavaŭsia ad partyi ŭ parłamient u 2016‑m i ŭ Minski haradski saviet deputataŭ u 2018-m, ale, naturalna, prajhraŭ. Zatoje adznačyŭsia jak adzin z samych bahatych kandydataŭ.
Nieviadoma, kali na Buraka zaviali kryminalnuju spravu i ci byŭ jon u SIZA.
Biznesmiena abvinacili ŭ «sadziejničańni ekstremisckaj dziejnaści» (č. 1 art. 361‑4 Kryminalnaha kodeksa). Pa hetym artykule sudziać sotni čałaviek, zatrymanych pa spravie Hajuna, ale niajasna, ci ŭ Dźmitryja było takoje ž abvinačvavańnie.
Dźmitryju Buraku prysudzili chatniuju chimiju.
-
Koŭł uźniaŭ pytańnie pra novyja aryšty. «To-bok my vyzvalajem 10 čałaviek, a jany aryštoŭvajuć jašče 10»
-
«Pałkoŭnik prynios mnie novyja krasoŭki». Valancin Stefanovič z «Viasny» raskazaŭ, jak ich rychtavali da vyzvaleńnia
-
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja57
Kamientary