Tramp surjozna razhladaje mahčymaść zachopu iranskaha vostrava Chark
Pavodle infarmacyi vydańnia Axios, Donald Tramp razhladaje mahčymaść uziać pad kantrol iranski vostraŭ Chark — klučavy punkt, praź jaki prachodzić kala 90% ekspartu iranskaj nafty. Heta razhladajecca jak adzin z varyjantaŭ cisku na Iran, kab asłabić jaho ŭładu i damahčysia razbłakavańnia Armuzskaha praliva.
Siarod mahčymych scenaryjaŭ — jak niepasrednaja vajennaja apieracyja z vysadkaj vojskaŭ na vostravie, tak i marskaja błakada, kab nie dapuskać tudy tankiery. Kančatkovaje rašeńnie pakul nie pryniata, ale ŭłady ZŠA ŭžo abmiarkoŭvajuć jurydyčnyja i vajskovyja aśpiekty takich dziejańniaŭ.
«Prezident choča, kab praliŭ byŭ adkryty. Kali dla hetaha jamu pryjdziecca zachapić vostraŭ Chark, heta adbudziecca. Kali jon vyrašyć ažyćciavić vysadku na ŭźbiarežžy, heta taksama adbudziecca. Ale rašeńnie jašče nie pryniata», — zajaviŭ Axios vysokapastaŭleny čynoŭnik u administracyi Trampa.
Adznačajecca, što pierad mahčymaj vysadkaj amierykanskija siły imknucca maksimalna asłabić vajskovyja mahčymaści Irana ŭ hetym rehijonie, kab źmienšyć ryzyki dla svaich vojskaŭ.
Raniej ZŠA ŭžo nanosili ŭdary pa vajskovych abjektach na vostravie, źniščyŭšy ich, ale nie zakranuŭšy naftavuju infrastrukturu. Hetyja dziejańni razhladajucca jak papiaredžańnie Iranu i adnačasova padrychtoŭka da mahčymaj dalejšaj apieracyi.
Sam Tramp zajaŭlaŭ, što ZŠA pry žadańni mohuć chutka źniščyć vostraŭ, ale pry hetym adznačaŭ, što nie paviedamlaje adkryta pra mahčymyja płany pa nakiravańni vojskaŭ.
Taksama paviedamlajecca, što ZŠA ŭzmacniajuć svaju vajskovuju prysutnaść u rehijonie: u najbližejšy čas tudy mohuć być pierakinutyja dadatkovyja siły marskoj piachoty, karabli i technika, u tym liku źniščalniki F-35.
ZŠA paskoryli pierakidku desantnych karabloŭ i tysiač marskich piechacincaŭ dla mahčymaj vysadki ŭ Iranie
Ministr zamiežnych spraŭ Irana: Armuzski praliŭ zakryty tolki dla vorahaŭ, astatnija mohuć prachodzić
ZŠA atakavali vostraŭ Chark u Piersidskim zalivie. Praź jaho prachodzić 90% iranskaha ekspartu nafty
Padčas bambardzirovak Irana amierykancy nie kranajuć maleńki vostraŭ — hałoŭnuju naftavuju arteryju. Čamu?
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary