Niekalki falšyvych hrašovych kupiur z anałahičnymi numarami vyjaŭlenyja ŭ Mahiloŭskaj vobłaści, paviedamiła staršy inśpiektar Leninskaha RAUS Mahilova Alena Simanava.
Tak, 19 śniežnia ŭ Kiraŭsku ŭ AAT «Biełahraprambank» pry pieraliku hrašovaj vyručki była znojdzienaja padroblenaja kupiura vartaściu Br100 tysiač.
31 śniežnia ŭžo ŭ Babrujsku ŭ ASB «AAT Biełarusbank» vyjaŭlenaja padroblenaja kupiura takoha ž naminału z anałahičnym sieryjnym numaram.
A ŭžo 12 studzienia ŭ Babrujsku pry pieraliku hrašovaj vyručki za 4 studzienia była znojdzienaja jašče adna padroblenaja kupiura.
Pa ŭsich nazvanych faktach raspačatyja kryminalnyja spravy pa častcy 1 artykuła 221 KK — vyrab, zachoŭvańnie abo zbyt padrobnych hrošaj ci kaštoŭnych papier. Artykuł praduhledžvaje sankcyju ŭ vyhladzie pazbaŭleńnia voli na termin ad 2 da 7 hadoŭ z kanfiskacyjaj majomaści abo biez kanfiskacyi.
U suviazi z častymi vypadkami vyjaŭleńnia falšyvamaniectva hramadzianam rekamiendujuć być bolš pilnymi, ździajśniajučy hrašovyja apieracyi. Tak, nie varta raźmieńvać kupiury nieznajomym ludziam, pry prodažy aŭtamabila abo nieruchomaści lepš pravieryć najaŭnyja kupiury ŭ banku, nie kuplać valutu ŭ «mianiał», a taksama, robiačy pakupki, być uvažlivym da hrošaj, jakija atrymlivajucca ŭ rešcie.
Kamientary