Некалькі фальшывых грашовых купюр з аналагічнымі нумарамі выяўленыя ў Магілёўскай вобласці, паведаміла старшы інспектар Ленінскага РАУС Магілёва Алена Сіманава.
Так, 19 снежня ў Кіраўску ў ААТ «Белаграпрамбанк» пры пераліку грашовай выручкі была знойдзеная падробленая купюра вартасцю Br100 тысяч.
31 снежня ўжо ў Бабруйску ў АСБ «ААТ Беларусбанк» выяўленая падробленая купюра такога ж наміналу з аналагічным серыйным нумарам.
А ўжо 12 студзеня ў Бабруйску пры пераліку грашовай выручкі за 4 студзеня была знойдзеная яшчэ адна падробленая купюра.
Па ўсіх названых фактах распачатыя крымінальныя справы па частцы 1 артыкула 221 КК — выраб, захоўванне або збыт падробных грошай ці каштоўных папер. Артыкул прадугледжвае санкцыю ў выглядзе пазбаўлення волі на тэрмін ад 2 да 7 гадоў з канфіскацыяй маёмасці або без канфіскацыі.
У сувязі з частымі выпадкамі выяўлення фальшываманецтва грамадзянам рэкамендуюць быць больш пільнымі, здзяйсняючы грашовыя аперацыі. Так, не варта разменьваць купюры незнаёмым людзям, пры продажы аўтамабіля або нерухомасці лепш праверыць наяўныя купюры ў банку, не купляць валюту ў «мянял», а таксама, робячы пакупкі, быць уважлівым да грошай, якія атрымліваюцца ў рэшце.
-
Пры ўзвядзенні дома ў Мінску будаўнікі замянілі керамзітабетон на «гіпсакардон». Людзі забілі трывогу
-
«Зладзілі маленькі Кітай». Што вядома пра новую вытворчасць халадзільнікаў у Баранавічах
-
«Галоўная крыніца выдаткаў — гэта часта адносіны». Айцішнік расказаў, як за тры гады купіў кватэру ў Тбілісі з заробку
Каментары