Bresckija IP zapatrabavali skasavańnia ŭkazaŭ №222 i 48 i damahlisia sustrečy z uładami

Indyvidualnyja pradprymalniki Bresta adnoviać pracu tolki paśla admieny prezidenckich ukazaŭ № 222 i 48, što rehłamientujuć ich dziejnaść. Pra heta paviedamiła člen savieta pradprymalnikaŭ miascovaha rynku «CUM» Łarysa Bycko paśla sustrečy IP z namieśnikam staršyni Bresckaha abłvykankama Michaiłam Siarkovym, jakaja adbyłasia 20 studzienia.

«Hutarka prajšła bolš-mienš spakojna, — raspaviała Bycko. — My padali namieśniku staršyni abłvykankama zajavu ad imia pradprymalnikaŭ rynkaŭ Bresta ab tym, što my nie možam ažyćciaŭlać u ciapierašnim zakanadaŭčym poli našu dziejnaść. Nam paabiacali, što naša zajava budzie pieradadzienaja kudy treba».

Anałahičnaja zajava za podpisam bolš jak 200 IP Bresta budzie adpraŭlenaja siońnia na imia kiraŭnika dziaržavy, paviedamiła pradprymalnica.

Zhodna sa słovami Bycko, pavodle vynikaŭ sustrečy vyrašana stvaryć pry abłvykankamie saviet, jaki budzie kaardynavać pytańni pracy miascovych rynkaŭ. «Siońnia ŭžo prajšło jaho pieršaje pasiadžeńnie, na im prysutničali pradstaŭniki roznych rynkaŭ i handlovych centraŭ. Abmiarkoŭvalisia pytańni, jakija tyčacca admieny ukazaŭ. Nam skazali, što ŭsie pytańni buduć pieradadzienyja pa łancužku vyšej», — paviedamiła jana.

«Naša rašeńnie: my staim da apošniaha, čakajem admieny ukazaŭ. U lutym nichto vychodzić na pracu nie budzie, kali nie vyrašacca našy pytańni. Pa-inšamu nielha, bo my padstavim siabie pad šalonyja štrafy i kanfiskacyi. U takich umovach my pracavać nie možam», — padkreśliła Bycko.

Sustrečy ŭ abłvykankamie papiaredničaŭ schod miascovych IP na rynku «CUM». Na jaho pryjšli pradstaŭniki ŭsich rynkaŭ i niekatorych handlovych centraŭ Bresta. Jany pryniali kalektyŭny zvarot da prezidenta Biełarusi i miascovych orhanaŭ ułady z prośbaj ažyćciavić kroki, jakija dazvolili b IP adnavić pracu, prypynienuju z pačatku hoda.

Pradprymalniki damahajucca skasavańnia ukazaŭ № 222 «Ab rehulavańni pradprymalnickaj dziejnaści i realizacyi tavaraŭ indyvidualnymi pradprymalnikami i inšymi fizičnymi asobami», jaki nabyŭ moc 1 studzienia, i № 48 «Ab mierach pa zabieśpiačeńni dziaržaŭnaha kantrolu (nahladu) za vykanańniem patrabavańniaŭ techničnych rehłamientaŭ». Hetyja dakumienty, jak śćviardžajuć IP, paralizavali ich pracu. Akramia taho, IP prosiać viarnuć im mahčymaść najmać rabotnikaŭ nie ź liku blizkich svajakoŭ, pracavać pa adzinym padatku biez pavyšalnych kaeficyjentaŭ, razhledzieć pytańnie ab vypłacie abaviazkovych uznosaŭ u Fond sacyjalnaj abarony nasielnictva za faktyčna adpracavany čas, a taksama ŭklučyć u pracoŭnyja hrupy i kamisii pa vyrašeńni pytańnia ab dalejšaj dziejnaści IP samich pradprymalnikaŭ ź liku členaŭ savietaŭ rynkaŭ.

Paśla schodu IP nakiravalisia da abłvykankama, kab pieradać zvarot. Ich pasprabavali spynić na ŭvachodzie ŭ abłvykankam, ale pradprymalnikam udałosia ŭvajści ŭ budynak i damahčysia sustrečy ź Michaiłam Siarkovym.

Anałahičnyja padziei adbylisia siońnia ŭ Mahilovie, dzie miascovyja IP pryniali zvarot da abłasnych uładaŭ z prośbaj razhledzieć mahčymaść ich dalejšaj pracy i ŭvieści maratoryj na pravierki. Mahiloŭskim pradprymalnikam udałosia damovicca ab sustrečy z načalnikam abłasnoha ŭpraŭleńnia pradprymalnictva i źniešnieekanamičnaj dziejnaści.

Stychijny mitynh IP prajšoŭ 18 studzienia ŭ Homieli, u im uziali ŭdzieł prykładna 500 čałaviek. Ź mitynhoŭcami sustreŭsia namieśnik staršyni Homielskaha abłvykankama Balasłaŭ Pirštuk. Pavodle vynikaŭ sustrečy była stvoranaja hrupa pa vyrašeńni prablem IP.

11 studzienia ŭ Minsku adbyŭsia antykryzisny forum pradprymalnikaŭ. Jaho ŭdzielniki zapatrabavali ad ułady vyrašyć prablemy, źviazanyja ź dziejańniem ukaza № 222, na ŭzroŭni ŭrada i prezidenta, a taksama damovilisia nie vychodzić na pracu da 25 studzienia — na hety dzień zapłanavany jašče adzin forum pradprymalnikaŭ.

• 0
• 0
• 0
• 0
• 0
• 0
• 0
• 0