Hieneralny prakuror Ryhor Vasilevič nakiravaŭ u Saviet Ministraŭ piśmo ab nieabchodnaści najchutčejšaha pryniaćcia mier pa pravavym urehulavańni adnosin, źviazanych sa zdačaj u najom žyłych pamiaškańniaŭ na karotkaterminovy peryjad.
Hieneralny prakuror Ryhor Vasilevič nakiravaŭ u Saviet Ministraŭ piśmo ab nieabchodnaści najchutčejšaha pryniaćcia mier pa pravavym urehulavańni adnosin, źviazanych sa zdačaj u najom žyłych pamiaškańniaŭ na karotkaterminovy peryjad.
Hieneralnaja prakuratura praanalizavała zvaroty, paviedamleńni srodkaŭ masavaj infarmacyi i inšyja materyjały, jakija datyčacca pradastaŭleńnia hramadzianami žyłych pamiaškańniaŭ dla karotkaterminovaha pražyvańnia ŭ ich inšych asob. Ciapier šyrokaje raspaŭsiudžvańnie atrymała praktyka zdačy žyłych pamiaškańniaŭ u najom na karotkaterminovy peryjad, heta značyć na sutki, hadziny, ab čym śviedčać šmatlikija abjavy ŭ reklamna‑infarmacyjnych vydańniach.
U pres‑słužbie Hienprakuratury nahadali, što zakanadaŭstvam zamacavana prava ŭłaśnikaŭ i najmalnikaŭ žyłych pamiaškańniaŭ zdavać u damach pryvatnaha i dziaržaŭnaha žyllovaha fondaŭ žyłyja pamiaškańni inšym hramadzianam pa dahavorach najmu abo padnajmu. Kanstytucyjnym sudom Biełarusi ŭ krasaviku 2007 hoda było razhledžana pytańnie ab pravavym rehulavańni adnosin, źviazanych z systematyčnaj zdačaj fizyčnymi asobami žyłych pamiaškańniaŭ dla karotkaterminovaha pražyvańnia. Rašeńniem Kanstytucyjnaha sudu ad 6 krasavika 2007 hodu Savietu Ministraŭ prapanavana pryniać miery pa naležnym rehulavańni paradku i ŭmoŭ zdačy hramadzianami žyłych pamiaškańniaŭ inšym hramadzianam na karotkaterminovy peryjad.
«Adnak heta prablema da hetaha času nia vyrašana. Miž tym u srodkach masavaj infarmacyi ŭsio čaściej źjaŭlajucca publikacyi ab nieŭrehulavanaści nazvanych pravaadnosin zakanadaŭstvam, ab adsutnaści nieabchodnaj uvahi padatkovych orhanaŭ da faktaŭ systematyčnaj zdačy kvater dla atrymańnia dachodu biaz vypłaty padatkaŭ. Niama adpaviednaj reakcyi i z boku orhanaŭ unutranych spraŭ na fakty vykarystańnia žyłych pamiaškańniaŭ u metach utrymańnia prytonaŭ razbeščanaści, pjanstva i azartnych hulniaŭ», — adznačyli ŭ Hienprakuratury.
Tam ličać, što adsutnaść dakładna ŭrehulavanych paradku i ŭmoŭ ažyćciaŭleńnia dziejnaści pa systematyčnaj zdačy ŭ najom žyłych pamiaškańniaŭ dla karotkaterminovaha pražyvańnia, a taksama paradku padatkaabkładańnia dachodaŭ, atrymanych ad nazvanaj dziejnaści, źjaŭlajecca adnoj z umoŭ biespakaranaści asob, jakija złoŭžyvajuć pravami ŭłaśnika (najmalnika) žyłych pamiaškańniaŭ.
Ciapier čytajuć
Łukašenka niezadavoleny vice-premjerkaj Natallaj Piatkievič — «buksuje»21
Kamientary