Śviet

Restler Łohan Poł pradaŭ kalekcyjnuju kartku z pakiemonam za 16 miljonaŭ dalaraŭ. Heta suśvietny rekord

Amierykanski restler i YouTube-błohier Łohan Poł piać hadoŭ tamu kupiŭ redkuju kartku ź Pikaču za 5,275 miljona dalaraŭ, ustanaviŭšy suśvietny rekord.

Łohan Poł (źleva), novy ŭładalnik kartki Skaramučy (u centry) i Kien Hołdyn, uładalnik aŭkcyjonu (sprava)

Amierykanski restler i YouTube-błohier Łohan Poł piać hadoŭ tamu kupiŭ redkuju kartku ź Pikaču za 5,275 miljona dalaraŭ, ustanaviŭšy suśvietny rekord. Heta akazałasia niadrennaj inviestycyjaj: zaraz jon pradaŭ jaje za 16,492 miljona dalaraŭ, dadaŭšy da łota jašče i karali z bryljantami.

Heta kartka Pikachu Illustrator, adna z 39, stvoranych u 1998 hodzie dla konkursu ilustracyj Pokémon.

Łohan Poł vystaviŭ jaje na aŭkcyjonie Goldin. Aŭkcyjon doŭžyŭsia 42 dni i zaviaršyŭsia ŭ hety paniadziełak. Kali tarhi ŭ paniadziełak padychodzili da kanca, cana ŭsio jašče trymałasia na ŭzroŭni 6,882 miljona dalaraŭ, ale zatym na praciahu padoŭžanaha času źjavilisia novyja staŭki, jakija padniali vynikovuju sumu da 16,492 miljona dalaraŭ razam z kamisijaj.

Padčas pramoj tranślacyi na YouTube Poł pažartavaŭ: «Zdajecca, my kahości ŭsio ž taki stamili».

«Heta varjactva», — dadaŭ jon, kali tarhi zakrylisia i pasypałasia kanfieci.

Praź imhnieńnie na ekranie źjaviłasia pradstaŭnica Guinness World Records Sara Kesan i paćvierdziła, što heta samaja darahaja kalekcyjnaja kartka z kali-niebudź pradadzienych na aŭkcyjonie.

Pieramožcam tarhoŭ staŭ vienčurny inviestar Ej Džej Skaramučy — syn finansista i byłoha dyrektara pa kamunikacyjach Biełaha doma Entani Skaramučy. Pa słovach Skaramučy-małodšaha, jon zapłanavaŭ «płanietarnaje palavańnie za skarbami» i źbirajecca «kalekcyjanavać niekalekcyjanavalnaje», i heta tolki pačatak.

«U mianie zaraz kvest — kupić akamianieły škilet tyranazaŭra reks, ja źbirajusia nabyć Dekłaracyju niezaležnaści — i na hetym nie spyniusia», — padzialiŭsia jon płanami z Połam.

Kartka ź Pikaču pradavałasia razam z masiŭnym bryljantavym łancuhom, na jakim restler nasiŭ jaje ŭ jakaści kułona ŭ śpiecyjalnym futlary. U hetym karalach jon debiutavaŭ na WrestleMania 38 u 2022 hodzie — heta šou amierykanskaha reślinh-pramoŭšna World Wrestling Entertainment (WWE). Paśla prodažu Poł asabista nadzieŭ karali na šyju Skaramučy.

U subotu zorka WWE raźvitaŭsia z kartkaj u paście ŭ Instagram, napisaŭšy: «Byvaj, moj siabar. Dla mianie było honaram vałodać najvialikšym kalekcyjnym pradmietam u śviecie».

Kamientary

Ciapier čytajuć

Babaryka raskazaŭ, što budzie rabić dalej34

Babaryka raskazaŭ, što budzie rabić dalej

Usie naviny →
Usie naviny

USU pakazali, jak ciaham adnaho dnia ŭ Krymie parazili patrulny katar BK-16, ZRK «Pancyr» i RŁS «Nieba-U» VIDEA2

Na volu vyjšła Taćciana Kanieŭskaja — byłaja davieranaja asoba Cichanoŭskaj

Ukraina pravodzić pieramovy ź Biełaruśsiu adnosna abmienu Iny Kardaš6

Nie tolki Hrodna. Stała viadoma, u jakich jašče haradach Biełarusi źjavicca taksi Bro Car

Spynilisia apošnija pastaŭki rasijskaj nafty ŭ Jeŭrasajuz. Rasija sama razbambiła naftapravod8

Biełarus pakazaŭ maładoje pakaleńnie hryboŭ, jakija rastuć u lesie ŭ lutym5

Maślenica zamiest Kazimira. Jak dehradavali Kaziuki ŭ Hrodnie, ad jakich zastałasia tolki nazva5

U Biełarusi chočuć budavać haryzantalnuju viersiju šmatpaviarchovikaŭ-«śviečak»3

Za miljon dalaraŭ chočuć pradać harnałyžny kompleks niedaloka ad Minska6

bolš čytanych navin
bolš łajkanych navin

Babaryka raskazaŭ, što budzie rabić dalej34

Babaryka raskazaŭ, što budzie rabić dalej

Hałoŭnaje
Usie naviny →

Zaŭvaha:

 

 

 

 

Zakryć Paviedamić