Daradca prezidenta Ukrainy Juryj Birukoŭ raspavioŭ, što ŭ lutym 2015 h. Piatro Parašenka prasiŭ jaho raspaŭsiudžvać iłžyvuju infarmacyju ab bajach u Debalcavie, dzie ŭ atačeńnie patrapiła bujnaja hrupoŭka ŭkrainskaj armii i dobraachvotniki bataljonaŭ.
Pa słovach Birukova, sustreča z Parašenkam adbyłasia 17 lutaha. Prezident paprasiŭ jaho «dvoje sutak unosić sumiatniu ŭ hałovy voraha», kab praciŭnik nie razumieŭ, vyvodzić Ukraina vojski z Debalcava ci nie.
«Treba było zładzić u fejsbuku ŭsplosk «usio-dobra-my-staim» i ŭtrymać hetuju chvalu chacia b dvoje sutak. Lubym «reputacyjnym» koštam, prosta pramaliniejna chłusić-chłusić-chłusić», — raspavioŭ Birukoŭ.
Pa słovach daradcy Parašenki, płan pa dezinfarmacyi pravaliŭsia, kali ŭ fejsbuk patrapili źviestki pra toje, što vyvad ukrainskich vojskaŭ užo pačaŭsia.
Bai za Debalcava praciahvalisia ź siaredziny studzienia da siaredziny lutaha 2015 hoda. Jany nie spynilisia navat paśla padpisańnia druhich Minskich pahadnieńniaŭ, jakija praduhledžvali, u pryvatnaści, režym spynieńnia ahniu. Sieparatystam udałosia vybić ŭkrainskija siły z horada. Straty ŭkrainskaj armii i dobraachvotna bataljonaŭ, pa aficyjnych dadzienych, skłali 110 čałaviek zabitymi i 270 paranienymi.
Kamientary