Izrailski biznesmien staŭ iranskim špijonam dziela darahoj va ŭtrymańni biełaruski. Chto hetaja fatalnaja łedzi?
73-hadovy izrailcianin Moci Maman daŭ irancam zavierbavać siabie. Irancam patrebny byli zabojstvy izrailskich raźviedčykaŭ, a Moci byli patrebny hrošy dla ŭtrymańnia maładziejšaj na 36 hadoŭ žonki-biełaruski. Raskazvajem, što viadoma pra žančynu, jakaja ledź nie vyklikała mižnarodny skandał.
Hetuju biełaruskuju žonku Moci (Mardechaja) zvać Natalla Maman. Žančyna rodam z Bresta. Nieviadoma, jakaja adukacyja ŭ Natalli, ale bolšuju častku svajoj prafiesijnaj karjery jana addała Minskamu zavodu vinahradnych vinaŭ. Jak možna razumieć — bresckamu filijału. Pracavała tam načalnicaj adździeła.
Jak los źviazaŭ maładuju Natallu z Bresta z pažyłym Moci z Aškiełona? Hetaja častka historyi nieviadomaja.
Ale para jašče nie adśviatkavała navat draŭlanaje viasielle: jany raśpisalisia ŭ 2020, kali žančynie było trošku za 30.
Da taho Natalla nasiła proźvišča svajho pieršaha muža, V. Kaminskaha, ź jakim u jaje mały syn.
Z Moci ž jana znajomaja jak minimum ź viasny 2019 — tady na staroncy izrailcianina ŭ fejsbuku stali źjaŭlacca fota bieraściejki.
Imavierna, ź pieršym mužam Natalla razyšłasia nie vielmi pryhoža i mirna. Bazy Biełpoła viedajuć detali siamiejnych dram: Natalla abvinavačvała pieršaha muža ŭ vymahańni istotnaj sumy hrošaj za dazvoł na vyvaz syna ŭ Izrail.
Ale historyja ŭ lubym razie raźviazałasia: apošnija hady i Natalla, i jaje syn žyli ŭ Izraili. Jana časam pryjazdžała ŭ Biełaruś razam z druhim kachańniem.
Moci Mamana ciapier dapytvajuć izrailskija śpiecsłužby. A Natalla pryznałasia siłavikam, što viedała pra iranskija vajažy muža i niepakoiłasia z hetaj nahody.
-
«Adnu mianie biesić, što za miažoj ja vyklučna IrYna?» Biełaruska aburajecca tranśliteracyjaj u pašparcie ź biełaruskaj movy
-
U Lidzie pamior 71-hadovy mužčyna. Jaho syn, zborščyk podpisaŭ za Capkału, kaža, što baćku zakatavali da śmierci. Ci tak heta?
-
U noč na 4 lipienia ŭ Minsku puściać dadatkovy transpart
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary