Haradskija ŭłady Dnieprapiatroŭska apublikavali śpis pieranosaŭ vulic i rajonaŭ horada, paviedamlaje BBC.
Rasparadžeńnie padpisaŭ kiraŭnik haradskoj administracyi Barys Fiłataŭ, były namieśnik hubiernatara Dnieprapiatroŭskaj vobłaści Ihara Kałamojskaha.
Centralny praśpiekt Dnieprapiatroŭska, jaki nasiŭ imia Karła Marksa, pierajmienavany ŭ praśpiekt Dźmitryja Javarnickaha — historyka, archieołaha, znaŭcy historyi Zaparožskaha kazactva. Jaho imia nosić histaryčny muziej horada.
Praśpiekt Kirava pierajmienavany ŭ praśpiekt Alaksandra Pola — archieołaha, hieołaha i pradprymalnika, jaki adkryŭ i pačaŭ raspracoŭku pakładaŭ žaleznaj rudy ŭ rajonie Kryvoha Roha.
Vulicy Lenina viarnuli histaryčnuju nazvu Vaskrasienskaja.
Papiaredniaja chvala pierajmienavańniaŭ prajšła ŭ listapadzie. Tady vulica Hierojaŭ Stalinhrada stała vulicaj Bahdana Chmialnickaha. Płošču Dziamjana Biednaha pierajmienavana va Uśpienskuju, a vulicu Kałhasnuju — ŭ Fiermierskuju.
Usiaho źmianiłasia bolš za 300 taponimaŭ.
Były Jekaciarynasłaŭ pa-raniejšamu nazyvajecca Dnieprapiatroŭskam, ale pachodžańnie nazvy ciapier źviazvajuć nie z revalucyjanieram i savieckim dziejačam Ryhoram Piatroŭskim, a z apostałam Piatrom.
Taksama ŭ ramkach dekamunizacyi pieranazvanyja 62 vulicy i zavułki ŭ Čarkasach.
Adpaviednaje rasparadžeńnie padpisaŭ mer Čarkas Anatol Bandarenka 22 lutaha, paviedamlaje UNIAN.
Zhodna z dakumientam, pierajmienavanyja vulicy i zavułki jak u centry horada, tak i ŭ spalnych rajonach i na ŭskrainach. Novyja nazvy majuć jak niejtralny charaktar, jak vulica Malaŭničaja, Kabzarskaja, tak i pryśviečanyja vybitnym čarkaskim i ŭkrainskim dziejačam, histaryčnym postaciam, a taksama 9 voinam z Čarkas, jakija zahinuli ŭ zonie ATA. Niekatorym vulicam viernutyja histaryčnyja nazvy.
Usiaho ŭ Čarkasach u ramach dekamunizacyi ŭžo pieranazvanyja 73 vulicy i zavułki i 1 haradski park.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary