Гарадскія ўлады Днепрапятроўска апублікавалі спіс пераносаў вуліц і раёнаў горада, паведамляе BBC.
Распараджэнне падпісаў кіраўнік гарадской адміністрацыі Барыс Філатаў, былы намеснік губернатара Днепрапятроўскай вобласці Ігара Каламойскага.
Цэнтральны праспект Днепрапятроўска, які насіў імя Карла Маркса, перайменаваны ў праспект Дзмітрыя Яварніцкага — гісторыка, археолага, знаўцы гісторыі Запарожскага казацтва. Яго імя носіць гістарычны музей горада.
Праспект Кірава перайменаваны ў праспект Аляксандра Поля — археолага, геолага і прадпрымальніка, які адкрыў і пачаў распрацоўку пакладаў жалезнай руды ў раёне Крывога Рога.
Вуліцы Леніна вярнулі гістарычную назву Васкрасенская.
Папярэдняя хваля перайменаванняў прайшла ў лістападзе. Тады вуліца Герояў Сталінграда стала вуліцай Багдана Хмяльніцкага. Плошчу Дзям'яна Беднага перайменавана ва Успенскую, а вуліцу Калгасную — ў Фермерскую.
Усяго змянілася больш за 300 тапонімаў.
Былы Екацярынаслаў па-ранейшаму называецца Днепрапятроўскам, але паходжанне назвы цяпер звязваюць не з рэвалюцыянерам і савецкім дзеячам Рыгорам Пятроўскім, а з апосталам Пятром.
Таксама ў рамках дэкамунізацыі пераназваныя 62 вуліцы і завулкі ў Чаркасах.
Адпаведнае распараджэнне падпісаў мэр Чаркас Анатоль Бандарэнка 22 лютага, паведамляе УНІАН.
Згодна з дакументам, перайменаваныя вуліцы і завулкі як у цэнтры горада, так і ў спальных раёнах і на ўскраінах. Новыя назвы маюць як нейтральны характар, як вуліца Маляўнічая, Кабзарская, так і прысвечаныя выбітным чаркаскім і ўкраінскім дзеячам, гістарычным постацям, а таксама 9 воінам з Чаркас, якія загінулі ў зоне АТА. Некаторым вуліцам вернутыя гістарычныя назвы.
Усяго ў Чаркасах у рамах дэкамунізацыі ўжо пераназваныя 73 вуліцы і завулкі і 1 гарадскі парк.
Цяпер чытаюць
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?20
Каментары