Na ŭnutrypartyjnych vybarach kandydata ŭ prezidenty ad respublikancaŭ u štacie Nievada pierakanaŭčuju pieramohu atrymaŭ miljarder Donald Tramp, jaki nabraŭ 42% hałasoŭ, paviedamlajuć amierykanskija ŚMI sa spasyłkaj na ŭłasnyja apytańni vybarščykaŭ.
Jość dadzienyja ab tym, što Tramp nabraŭ najbolšuju kolkaść hałasoŭ navat u vychadcaŭ z Łacinskaj Amieryki, niahledziačy na nie raz zroblenuju im zaŭvahu ab nieabchodnaści pabudavać ścianu na miažy ź Mieksikaj dla strymlivańnia patoku mihrantaŭ.
Za druhoje miesca baraćba idzie pamiž sienataram ad Fłarydy Markam Rubia (papiaredni vynik - 25%) i sienataram ad Techasa Tedam Kruzam (21%).
Pavodle papiarednich dadzienych, u kokusach u Nievadzie ŭdzielničała rekordnaja kolkaść vybarščykaŭ.
Pry hetym z mnohich miescaŭ dla hałasavańnia prychodzili paviedamleńni pra vielmi drennuju arhanizacyju kokusaŭ, sproby niekatorych udzielnikaŭ prahałasavać bolš jak adzin raz i poŭnym chaosie pry padliku hałasoŭ.
U aficyjnym «Tvitery» Respublikanskaj partyi było apublikavana abiacańnie samym surjoznym čynam rasśledavać kožny taki vypadak.
Nievada stała čaćviortym štatam, dzie prajšli unutrypartyjnyja vybary respublikancaŭ, i ŭ troch ź ich pieramohu atrymaŭ Donald Tramp, tolki ŭ Ajovie jon sastupiŭ Tedu Kruzu.
Nastupnyja unutrypartyjnyja vybary adbuducca ŭ «supieraŭtorak», 1 sakavika, kali prajmieryz i kokusy projduć adnačasova bolš čym u dziesiaci štatach.
Kamientary