«Daj Darohu!» prezientavaŭ svoj pieršy biełaruskamoŭny sinhł «Nie vieru»
Hurt «Daj Darohu!» pradstaŭlaje na Jeŭraradyjo pieršuju ŭ svajoj amal 20-hadovaj historyi pieśniu na biełaruskaj movie «Nie vieru». Pa słovach lidara kalektyvu Juryja Stylskaha, ad hurta takoha kroku daŭno čakali, i voś, momant nadyšoŭ.
Spampavać pieśniu
«Niejak mianie prabiła. Mahčyma, tamu, što ja nahladzieŭsia roznych dakumientalnych rolikaŭ na Youtube, natchniŭsia i vyrašyŭ skazać praŭdu. Heta pieśnia pra adčuvańni i pieražyvańni biełarusaŭ, a taksama vynik pieražytaha. Možna skazać, što mnie było pryjemna pracavać z movaj: karani jość karani. Da taho ž, ja adkryŭ dla siabie novy bukvar. Tamu, mahčyma, heta budzie nie adzinaja naša pieśnia pa-biełarusku», — intryhuje lidar «Daj darohu!».
Pieśnia «Nie vieru» tradycyjna była zapisanaja na chatniaj studyi Stylskaha. Kancertnaja prezientacyja treka adbudziecca padčas štohadovaj muzyčnaj premii «Dajom rady», dzie 27 lutaha aproč «Daj Darohu!» vystupiać:B:N:, Dzieciuki i Neuro Dubel, a Jeŭraradyjo padviadzie muzyčnyja vyniki 2015 hoda.
Kvitki možna nabyć u haradskich kasach, a taksama na sajcie Kvitki.by.
Košt: tancpoł — 270 tysiač
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary