Hramadzianin Rasiei vykłaŭ u svaim dziońniku historyju ŭzajemadačynieńniaŭ ź biełaruskimi DAIšnikami. Niezhavorlivaść rasiejca pryviała jaho da cialesnych paškodžańniaŭ, Akreścina i suda.
U svaim ŽŽ jon apisvaje vypadak, što zdaryŭsia ź im u Miensku, i jaki kaštavaŭ jamu zdaroŭja i hrošaj.
Historyja adbyłasia 13 krasavika na praspekcie Pieramožcaŭ. Pavodle Siarhieja, jaho aŭto, u jakim akramia jaho jechali jašče dva čałavieki, spyniŭ supracoŭnik DAI, jaki paviedamiŭ kiroŭcu pra pieravyšeńnie chutkaści i zaprasiŭ prajści ŭ aŭto. Tam, jak piša Astroŭski, jamu pačali namiakać na nieabchodnaść dać chabar.
Paśla admovy i abiacańnia napisać u pratakole pra vymahańnie hrošaj, jaho nibyta pačali źbivać: staršy supracoŭnik, jaki siadzieŭ zzadu, dušyŭ za horła, a małodšy, što byŭ za styrnom, biŭ pa skroni i skivicy. DAIšniki, jak piša rasiejec, pasprabavali iznoŭ uźniać pytańnie «kampensacyi», ale pačuŭšy admovu, abvinavacili jaho ŭ napadzie na supracoŭnikaŭ milicyi i advieźli ŭ pastarunak. Potym była pravierka na najaŭnaść alkaholu ŭ kryvi, jakaja ničoha nie vyjaviła, i admova medykaŭ źniać paboi. Noč zatrymany pravioŭ u izalatary na Akreścina, jaki jon nazvaŭ «časovaj turmoj na ŭskrainie horadu».
Voś jak jon apisvaje apartamenty ŭ hetym šmat kamu viadomym miescy: «U kamery vializnaja draŭlanaja łava. Staražyły nazyvajuć jaje «scenaj». U kucie ŭnitaz na prahniłych doškach. I kran. Smurod i brud — žachlivyja. Choład — taksama. Tualetnaj papiery, koŭdraŭ dy inšaha — kaniečnie ž niama (…) A 7‑j ranicy — śniadanak, padadzieny praz akienca ŭ dźviarach. Pałova bochan chleba, pustaja aŭsianka, harbata ŭ aluminievym kubku biez ručki, bolš padobnaja na pamyi».
Zatym byŭ razhlad spravy ŭ sudzie Centralnaha rajonu, dzie Siarhieju Astroŭskamu dali štraf u pamiery 3 bazavych vieličyniaŭ…za niecenzurnuju łajanku, śviedkami jakoj stali pilnyja supracoŭniki DAI. Sudziła rasiejca sudździa Taciana Paŭlučuk.
Ciapier S. Astroŭski rychtujecca da suda, jon maje namier damahčysia spraviadlivaści i pakarać biełaruskich DAIšnikaŭ.
-
«Łukašenka ŭjaŭlaje, što Polšča mahła b admovicca ad padtrymki biełaruskaj apazicyi ŭ abmien na Pačobuta. Hetaha nie budzie»
-
Chalezin: Treba pytacca «što vy vytvarajecie» nie ŭ Babaryki, a ŭ jaho daradcaŭ
-
«Siadžu ŭ trusach, zamiarzaju». U sacsietkach vyśmiejali čarhovuju strašyłku ANT pra «zamiarzajučuju Jeŭropu»
Ciapier čytajuć
Łukašenka raskazaŭ pra zabojstva apazicyjaniera, jakoje nibyta adbyłosia try dni tamu15
Kamientary