Dva minčuki nazvalisia palityčnymi ŭciekačami i sprabavali trapić u Litvu
U lesie, niedaloka ad punkta propusku «Katłoŭka» Astravieckaha rajona 11 sakavika pamiežniki Smarhonskaj pamiežnaj hrupy zatrymali dvuch maładych ludziej, jakija źbiralisia syści ŭ Litvu.
Pamočnik načalnika Smarhonskaj pamiežnaj hrupy pa pracy sa ŚMI Alaksandr Kołabaŭ raspavioŭ Kraj.baj:
— Parušalnikam pa 20 hadoŭ. Jany byli zatrymanyja ŭ lesie niedaloka ad vioski Katłoŭka, u 300 mietrach ad dziaržaŭnaj miažy. Maładyja ludzi patłumačyli, što sprabavali syści ź Biełarusi ŭ Litvu, kab atrymać palityčny prytułak. Nie viedaju, nakolki chłopcy «palityčnyja». Miarkuju, što jany chacieli trapić u Jeŭrasajuz u pošukach lepšaha, na ich dumku, žyćcia. Pry zatrymańni my im uručyli pozvy ab nieabchodnaści źjavicca ŭ Smarhonskuju pahraničnuju hrupu i adpuścili.
Pa słovach Alaksandra Kołabava, chłopcy aformlenyja jak parušalniki dziaržaŭnaj miažy pa artykule 23.29 Kodeksa ab administracyjnych pravaparušeńniach Respubliki Biełaruś. Ich čakaje raźbiralnictva i sud.
— Pakul minčanie pa poźvie nie źjavilisia, - skazaŭ Alaksandr Kołabaŭ.
Surazmoŭca nahadaŭ, što, zhodna z artykułam 23.29 KaAP, niezakonnaje naŭmysnaje pierasiačeńnie dziaržaŭnaj miažy Respubliki Biełaruś, kali heta dziejańnie nie ciahnie za saboj kryminalnuju adkaznaść, a taksama zamach na takoje pierasiačeńnie, ciahnuć papiaredžańnie z departacyjaj, albo nakładańnie štrafu ŭ pamiery ad 10 da 100 bazavych vieličyń z departacyjaj abo biez departacyi.
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu7
Kamientary