Viecier da 18 m/s. Sinoptyki abviaścili na piatnicu aranžavy ŭzrovień niebiaśpieki
U piatnicu, 18 sakavika, u mnohich rajonach krainy i Minsku čakajecca mocny viecier paryvami da 15-18 m/s. Sinoptyki abviaścili aranžavy ŭzrovień niebiaśpieki.
18 sakavika na terytoryju Biełarusi pačnie pastupać chałodnaja pavietranaja masa z poŭnačy Jeŭropy.
Čakajecca vobłačna z prajaśnieńniami. Nočču miescami, dniom na bolšaj častcy terytoryi apadki (doždž, jaki budzie pierachodzić u mokry śnieh). Na asobnych učastkach daroh hałalodzica. Viecier paŭnočna-zachodni, paŭnočny ŭmierany, dniom u mnohich rajonach mocny paryvisty. Tempieratura pavietra na praciahu sutak -2 — + 4°S, dniom pa poŭdni + 5 — + 7°S.
U vychodnyja ŭ Biełarusi značna pachaładaje.
Nočču tempieratura apuścicca ŭ niekatorych rehijonach krainy da -12°S, dniom maksimalnaja tempieratura budzie ad minus 5°S pa paŭnočnym uschodzie da + 2°S pa paŭdniovym zachadzie. Čakajecca, što mocny viecier zachavajecca, a taksama projdzie mokry śnieh.
Aranžavy ŭzrovień niebiaśpieki abviaščajecca, kali ŭmovy nadvorja ŭjaŭlajuć realnuju niebiaśpieku dla ludziej i infrastruktury — škvały, zalevy, navalnicy, hrad, śpiakota, marazy, śniehapady, zaviei i inš. (u zaležnaści ad pary hoda). Źjavy mohuć niehatyŭna paŭpłyvać na sacyjalna-ekanamičnuju dziejnaść i pryvieści da značnaha materyjalnaha ŭronu, a taksama čałaviečych achviar.
MNS nahadvaje, što pry mocnym vietry mahčymyja paškodžańnie i abryŭ linij suviazi i elektrapieradačy, adklučeńnie elektryčnaści ŭ nasielenych punktach, paškodžańnie i abvalvańnie zbudavańniaŭ i budynkaŭ, padzieńnie dreŭ. Ratavalniki rekamiendujuć na čas niepahadzi ščylna začynić vokny i dźviery, prybrać sa dvaroŭ i bałkonaŭ haspadarčyja rečy, mašynu pastavić u haraž ci pryparkavać udalečyni ad dreŭ.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary