U Centralnym sudzie Minska adzin sudździa pahadziŭsia vieści praces pa-biełarusku, druhaja zabaraniła
Siońnia ŭ Centralnym rajonnym sudzie Minska prachodziać pracesy nad udzielnikami pikietaŭ kala rasijskaj ambasady ŭ padtrymku Nadziei Saŭčanka, asudžanaj u Rasii na 22 hady turmy. Na łaŭcy padsudnych kala 10 čałaviek.
Kali pačali sudzić barda Źmitra Zachareviča, jon chadajničaŭ, kab praces vioŭsia pa-biełarusku, ale sudździa Taćciana Rak chadajnictva nie zadavoliła.
Ź pierapytvańniaŭ sudździ stała zrazumieła, što jana nie ŭsio razumieje pa-biełarusku, ale dva słovy na rodnaj movie Zachareviču skazała: «Nie dazvalaju». Źmicier Zacharevič nie ličyć siabie vinavatym, chacia nie admaŭlaje, što braŭ udzieł u pikiecie ŭ abaronu Saŭčanka.
Raniej aktyvist Jaŭhien Batura, jakoha pačali sudzić siarod pieršych, zajaviŭ sudu, što 9 sakavika skarystaŭsia svaim pravam na volnaje vykazvańnie mierkavańniaŭ, a taksama jaho natchnili słovy Śviatłany Aleksijevič, jakaja padtrymała Saŭčanku. Admietna, što sudździa Ivan Majsiejčyk, jaki sudzić Jaŭhiena Baturu, na patrabavańnie aktyvista pravioŭ praces całkam pa-biełarusku.
Kamientary