Nacyjanalny mastacki muzej Biełarusi deklaravaŭ, što ŭ Miry pačynajecca adnaŭleńnie kniaskich parkaŭ. I chacia niepasredna pracy pačnucca tolki ŭ 2010 hodzie, za ambicyjnaść i patencyjny razmach prajekt užo achryścili «biełaruskim Versalem».
Nacyjanalny mastacki muzej Biełarusi deklaravaŭ, što ŭ Miry pačynajecca adnaŭleńnie kniaskich parkaŭ. I chacia niepasredna pracy pačnucca tolki ŭ 2010 hodzie, za ambicyjnaść i patencyjny razmach prajekt užo achryścili «biełaruskim Versalem».
A pakul iduć padrychtoŭčyja pracy. Jak i niekalki stahodździaŭ tamu, dla adnaŭleńnia čaroŭnych parkaŭ zaprošanyja italijcy — dziela hetaha kiraŭnictva mastackaha muzeju admysłova źviarnułasia ŭ ambasadu Italii. Ambasada adhuknułasia. Bolš za toje, Biełaruś užo naviedaŭ adzin z najlepšych italijskich landšaftnych dyzajneraŭ Paoła Pjerone, jaki źjaŭlajecca prezydentam Pjemonckaj akademii sadu, zasnavalnikam Italijskaj asacyjacyi architektury pejzažu.
Paśla ahledzinaŭ Miru spadar Pjerone daŭ zhodu na kansultavańnie biełaruskich admysłoŭcaŭ u spravie adnaŭleńnia parkaŭ. Biełaruskija admysłoŭcy ŭzradavalisia, bo Pjerone dobra viadomy svaimi bliskučymi parkavymi prajektami ŭ Francyi, Švajcaryi, Hrecyi dy inšych krainach. Paoła Pjerone dašle svaje piśmovyja rekamendacyi pa adnaŭleńni parkaŭ, dapamoža z nabyćciom nieabchodnych redkich drevaŭ. Nastupny raz italijski parkavy maestra pryjedzie da nas u červieni.
Adnaŭlacca ŭ Miry buduć dva kniaskija parki — tak zvanyja «italijski» dy «anhielski». Pieršy zaviecca jašče «rehularnym», bo maje dakładnaje hieametryčnaje planavańnie, druhi ličycca «ramantyčnym», bo tut maksymalna zachoŭvajecca niekranutaść pryrody.
«Italijski» park byŭ zakładzieny jašče ŭ XVII stahodździ, ale da siońnia jon całkam stračany — adnaŭlacca budzie «z nula». A voś ad «anhielskaha», zasnavanaha 112 hadoŭ tamu, toje‑sioje zastałosia: niekalki čornych chvojaŭ, duby, tapoli, listoŭnicy. Ich buduć pilna zachoŭvać, paralelna dadajučy tyja drevy, što byli tut ad pačatku. Na ščaście, pra abodva parki zachavalisia davoli padrabiaznyja źviestki.
Darečy, rekanstrukcyja samoha Mirskaha zamku skončycca ŭžo sioleta. Da jaje jość šmat pretenzijaŭ. U pravatnaści, ciapier u zamku XVI stahodździa źjaviłasia padłoha z padahrevam, saŭna, lift mahiloŭskaj vytvorčaści, plastykavyja škłopakiety… Aptymisty na heta havorać: hałoŭnaje, što zamak žyvie.
Adnoŭleny park abjadnaje zamak, a taksama flihiel inšaha pałacu. Heta małaviadomy fakt, ale apošnija ŭładary Miru — kniazi Śviatapołk‑Mirskija nie žyli ŭ Mirskim zamku, bo jon byŭ u nienaležnym stanie paśla niekalkich vojnaŭ. Pad žytło jany zbudavali asobny pałac na dalokim bierazie voziera. Ad jaho zachavaŭsia adzin flihiel, a taksama lochi inšaha.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram17
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary