Fiederalnaja słužba pa nahladzie ŭ śfiery adukacyi i navuki Rasii (Rosobrnadzor) prypyniła dziejańnie dziaržaŭnaj akredytacyi prahram vyšejšaj adukacyi ŭ Jeŭrapiejskim univiersitecie ŭ Sankt-Pieciarburhu, paviedamlajecca na sajcie viedamstva.
Pryčyny prypynieńnia akredytacyi ŭ paviedamleńni nie ŭkazvajucca, udakładniajecca tolki, što takoje rašeńnie pryniata pa vynikach praviedzienaj pravierki.
U vypadku prypynieńnia abo pazbaŭleńnia dziejańnia dziaržaŭnaj akredytacyi VNU pa-raniejšamu moža vieści adukacyjnuju dziejnaść i vydavać dakumienty ŭłasnaha ŭzoru. Pry hetym navučalnaja ŭstanova pazbaŭlajecca prava vydavać dypłomy ustanoŭlenaha Ministerstvam navuki Rasii ŭzoru i nie moža harantavać navučencam adterminoŭku ad słužby ŭ vojsku pa pryzyvie.
Jeŭrapiejski univiersitet byŭ zasnavany ŭ 1994 hodzie pry aktyŭnym udziele pieršaha mera Sankt-Pieciarburha Anatola Sabčaka. U kancy 1990-ch hadoŭ univiersitet atrymlivaŭ hranty ad Fondu Sorasa i Fondu MakArturaŭ — hetyja arhanizacyi ŭ 2015 hodzie byli pryznanyja ŭ RF niepažadanymi.
U 2007 hodzie Jeŭrapiejski univiersitet na niekalki tydniaŭ byŭ zakryty pavodle rašeńnia suda paśla praviedzienaj pravierki pažarnaj biaśpieki. Zakryćcio VNU vyklikała pratest z boku studentaŭ, vykładčykaŭ i pradstaŭnikoŭ navukovaj supolnaści. Rašeńnie suda było paźniej pierahledžana, i ŭniviersitet adnaviŭ pracu.
Ciapier čytajuć
Na Šry-Łancy ŭ 37 hadoŭ pamior biełaruski kinapradziusar Andrej Matałyha2
Kamientary