U Biełarusi płanujecca stvaryć ministerstva antymanapolnaha rehulavańnia, paviedamiŭ 8 krasavika načalnik hałoŭnaha ekanamičnaha ŭpraŭleńnia Administracyi prezidenta Kirył Rudy na pasiadžeńni kaardynacyjnaha savieta prajekta «Raźvićcio inkluziŭnaha miascovaha kiravańnia ŭ Respublicy Biełaruś».
Pavodle jaho słoŭ, rychtujecca prajekt ukaza ab stvareńni ŭ Biełarusi takoha ministerstva ŭ adpaviednaści z daručeńniem kiraŭnika dziaržavy. «Departamient Ministerstva ekanomiki budzie pieradadzieny Ministerstvu handlu, i stvoranaje novaje ministerstva», — skazaŭ Rudy. Zaraz u Minekanomiki funkcyi antymanapolnaha orhana vykonvaje departamient cenavaj palityki.
Pamočnik prezidenta padkreśliŭ, što siońnia «važnaj zadačaj dla Biełarusi źjaŭlajecca raźvićcio kankurencyi, baraćba ź inflacyjaj, baraćba z manapolnaj zmovaj».
Rudy adznačyŭ, što kali technična pieradać departamient z adnaho viedamstva ŭ inšaje, čakanych metaŭ možna nie dasiahnuć. Tamu važna acanić, nakolki dziaržsłužačyja viedajuć mietodyki i lepšyja praktyki ŭ śfiery dziaržkiravańnia i navučyć kadry.
Navučańnie čynoŭnikaŭ budzie prachodzić u tym liku ŭ ramkach prajekta «Raźvićcio inkluziŭnaha miascovaha kiravańnia ŭ Respublicy Biełaruś», jaki pačali realizoŭvać Prahrama raźvićcia AAN, Administracyja prezidenta i Akademija kiravańnia pry prezidencie.
Nahadajem, 2 sakavika ministr ekanomiki Uładzimir Zinoŭski paviedamiŭ, vystupajučy na XVII Asamblei dziełavych kołaŭ Biełarusi, što rychtujecca prajekt ukaza ab nadańni funkcyj niezaležnaha antymanapolnaha orhana Ministerstvu handlu.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary