У Беларусі плануецца стварыць міністэрства антыманапольнага рэгулявання, паведаміў 8 красавіка начальнік галоўнага эканамічнага ўпраўлення Адміністрацыі прэзідэнта Кірыл Руды на пасяджэнні каардынацыйнага савета праекта «Развіццё інклюзіўнага мясцовага кіравання ў Рэспубліцы Беларусь».
Паводле яго слоў, рыхтуецца праект указа аб стварэнні ў Беларусі такога міністэрства ў адпаведнасці з даручэннем кіраўніка дзяржавы. «Дэпартамент Міністэрства эканомікі будзе перададзены Міністэрству гандлю, і створанае новае міністэрства», — сказаў Руды. Зараз у Мінэканомікі функцыі антыманапольнага органа выконвае дэпартамент цэнавай палітыкі.
Памочнік прэзідэнта падкрэсліў, што сёння «важнай задачай для Беларусі з'яўляецца развіццё канкурэнцыі, барацьба з інфляцыяй, барацьба з манапольнай змовай».
Руды адзначыў, што калі тэхнічна перадаць дэпартамент з аднаго ведамства ў іншае, чаканых мэтаў можна не дасягнуць. Таму важна ацаніць, наколькі дзяржслужачыя ведаюць методыкі і лепшыя практыкі ў сферы дзяржкіравання і навучыць кадры.
Навучанне чыноўнікаў будзе праходзіць у тым ліку ў рамках праекта «Развіццё інклюзіўнага мясцовага кіравання ў Рэспубліцы Беларусь», які пачалі рэалізоўваць Праграма развіцця ААН, Адміністрацыя прэзідэнта і Акадэмія кіравання пры прэзідэнце.
Нагадаем, 2 сакавіка міністр эканомікі Уладзімір Зіноўскі паведаміў, выступаючы на XVII Асамблеі дзелавых колаў Беларусі, што рыхтуецца праект указа аб наданні функцый незалежнага антыманапольнага органа Міністэрству гандлю.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары18
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары