Konkurs fotazdymkaŭ na ekałahičnuju tematyku «Zialony Minsk» abjaŭleny ŭ stalicy, paviedamili ŭ Minskim haradskim kamitecie pryrodnych resursaŭ i achovy navakolnaha asiarodździa.
Udzielničać u spabornictvie mohuć jak prafiesijnyja fatohrafy, dyzajniery, tak i amatary, jakija prajšli papiaredni adbor. Žury budzie aceńvać zavieršanyja aryhinalnyja fatahrafii nastupnaj tematyki: «Minsk biez adchodaŭ», «Moj zialony horad», «Minsk i my», «Źbieražom Minsk razam», «Ekałohija Minska vačyma žycharoŭ», «Ekaprykoły», «Ekałohija horada i carkva» i inš.
Pryjom prevju fatahrafij dla adboru da ŭdziełu ŭ konkursie budzie arhanizavany da 24-j hadziny 18 vieraśnia na elektronny adras: [email protected], pryjom adabranych fatahrafij u vysokim razroźnieńni (5315 na 3543 piksielaŭ) dla ŭdziełu ŭ hałasavańni — z 26 vieraśnia pa 16 kastryčnika na elektronny adras: [email protected] abo pa adrasie: h.Minsk, vuł.Plachanava, 18a.
Žury acenić u pracach adpaviednaść tematycy, aryhinalnaść i naviznu, cełasnaść kampazicyi, jakaść techničnaha vykanańnia. Arhkamitet padviadzie vyniki i pa vynikach konkursu vyznačyć 24 kastryčnika pieramožcaŭ, jakija buduć uznaharodžanyja dypłomami Minskaha haradskoha kamiteta pryrodnych resursaŭ i achovy navakolnaha asiarodździa. Najlepšyja pracy raźmieściać u ekołaha-infarmacyjnym kalendary kamiteta na 2017 hod.
Niepasrednuju pracu pa padrychtoŭcy i praviadzieńni konkursu ažyćciaŭlaje Minski haradski kamitet pryrodnych resursaŭ i achovy navakolnaha asiarodździa.
Kamientary