Statkievič: Padčas nadhladu na miažy z mašyny prapali čornyja nošanyja škarpetki
«Pa pryjeździe dachaty vyśvietliłasia, što paśla 4-ch nadhladaŭ mašyny pamiežnikami, mytnikami i sudovymi vykanaŭcami prapali maje škarpetki, — piša Mikałaj Statkievič u svaim fejsbuku. — Čornyja, adna para, nošanyja, ale jašče cełyja. Darahija mnie, jak pamiać, bo ja z turmy ŭ ich vyzvalaŭsia. Možna skazać, što režym paraziŭ mianie ŭ samyja piatki. Tamu źviartajusia da ŭsich tych, chto ŭdzielničaŭ u manipulacyjach z maimi rečami. Kankretna da:
sudovych vykanaŭcaŭ Kastryčnickaha rajonu Hrodna Kalady Mikałaja Mikałajeviča i Laŭko Lucyjany Hienadźjeŭny;
paniatoha (jaŭna nie vypadkovaha) Bohdziela Paŭła Valencinaviča;
supracoŭnikaŭ mytni z nahrudnymi numarami 16-0264 i 16-0969;
supracoŭnikaŭ pamiežnaj słužby Čornaha Dźmitryja i Halaka Dźmitryja.
Paviedamicie mnie pra los maich škarpetak albo viarnicie ich za ŭznaharodžańnie — 5 tys. rubloŭ.
Kali ž maje škarpetki nie buduć mnie viernuty, to budu vymušany źviarnucca ŭ Pamiežny kamitet, Mytny kamitet i da kiraŭnictva sudovych vykanaŭcaŭ z patrabavańniem słužbovaha rasśledavańnia i pakarańnia vinavatych u niezakonnym prysvajeńni škarpetak.
Heta ž amal relikvija. Mažliva, ja jaje niekali ŭ muziej Revalucyi addam», — iranizuje Statkievič.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary