U ZŠA va ŭzroście 73 hadoŭ pamior režysior Rod Denieł, jaki źniaŭ takija filmy, jak «Bietchovien-2», «K-9: Sabačaja praca» i «Adzin doma — 4», paviedamlaje The Hollywood Reporter sa spasyłkaj na jaho svajakoŭ.
Denieł pačynaŭ svaju karjeru na telebačańni, dzie byŭ pradziusaram i režysioram sitkama «Radyjo Cyncynaci».Pieršym poŭnamietražnym filmam Denieła staŭ film «Vaŭčania». Hałoŭnuju rolu ŭ karcinie syhraŭ Majkł Džej Foks.
Jon taksama źniaŭ vialikuju kolkaść inšych filmaŭ i epizodaŭ u sieryjałach. U pryvatnaści, «Jaki baćka, taki i syn», «Nahladčyk», «Ńjuchart», «Usie lubiać Rejmonda».
Apošniaj pracaj režysiora staŭ film «Adzin doma — 4», jaki vyjšaŭ u 2002 hodzie. Denieł syšoŭ z kino ŭ 2003 hodzie.
Mocnym zachapleńniem Denieła była fatahrafija. Jon zrabiŭ vydatnyja mastackija fatahrafii, u asnoŭnym heta byli čorna-biełyja sceny sielskaha žyćcia ŭ Amierycy.
Denieł pamior u subotu, 16 krasavika, va ŭłasnym domie ŭ Čykaha (štat Ilinojs).
Kamientary