Śvietłahorskaha śviatara vyzvalili ad pasady paśla śmierci ŭ chramie dvuch mužčyn
Paśla hibieli dvuch mužčyn u chramie Śvietłahorska śviatara Uładzimira Siamionava vyzvalili ad pasady.
Nahadajem, ranicaj 20 krasavika ŭ adnym z pamiaškańniaŭ chrama ŭ Śvietłahorsku byli znojdzieny cieły dvuch rabočych, jakija zajmalisia ramontam u carkvie. Prykmiet hvałtoŭnaj śmierci u mužčyn, adzin ź jakich 1985 hoda naradžeńnia, a druhi 1982-ha, śledčyja nie znajšli.
Ustanoŭlena, što mužčyny pamierli ŭ vyniku atručvańnia praduktami hareńnia pryrodnaha haza.
Pa vynikach pasiadžeńnia jeparchijalnaj rady Homielskaj jeparchii byŭ pryniaty šerah administracyjnych i kadravych rašeńniaŭ. Rada pastanaviła prychodu chrama Śviatych apostałaŭ Piatra i Paŭła ŭ Śvietłahorsku ŭ poŭnym abjomie ŭziać na siabie ŭsie materyjalnyja vydatki, źviazanyja z pachavańniem zahinułych. Imiony pamierłych buduć uniesieny ŭ sinodzik prychodaŭ Homielskaj jeparchii dla pastajannaha zhadvańnia padčas liturhii.
U suviazi z trahičnym zdareńniem admienienyja mierapryjemstvy Vielikodnaha fiestyvalu ŭ Śvietłahorsku, zapłanavanyja na 14 maja.
Jeparchijalnaja rada pastanaviła vyzvalić protaijereja Uładzimira Siamionava ad pasady błahačynnaha cerkvaŭ Śvietłahorskaj akruhi. Na hetuju pasadu pryznačany Alaksandr Kisiel, nastajaciel prychoda chrama Preabražeńnia Haspodniaha ŭ Śvietłahorsku.
Na pasiadžeńni nahadali, što jeparchijalnyja rady Homielskaj jeparchii nieadnarazova prymali pastanovy ab pryviadzieńni ŭ adpaviednaść z zakanadaŭstvam i techničnymi rehłamientami i rekamiendacyjami sistem supraćpažarnaj biaśpieki, zachavańni techničnych normaŭ ekspłuatacyi budynkaŭ, praviadzieńni ŭsich budaŭničych, ramontnych i inšych rabot u strohaj adpaviednaści ź dziejučym zakanadaŭstvam. Było vyrašana stvaryć jeparchijalnym kamisiju pa achovie pracy.
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii13
Kamientary