Rasija moža całkam zabaranić pastaŭki małočnaj pradukcyi ź Biełarusi z-za prablem ź jaje jakaściu i biaśpiekaj. Pra heta paviedamiŭ Raśsielhasnahlad pa vynikach pieramovaŭ kiraŭnika viedamstva Siarhieja Dankvierta i namieśnika ministra sielskaj haspadarki Biełarusi Alaksandra Subocina.
Kiraŭnik rasijskaha viedamstva, havorycca ŭ paviedamleńni, pryvioŭ kankretnyja prykłady pastavak suchoj małočnaj pradukcyi ź Biełarusi, jakaja nie adpaviadaje patrabavańniam techničnaha rehłamientu Mytnaha sajuza.
Biełaruś, padkreśliŭ Dankviert, pavinna pryniać ekstrannyja miery pa niedapuščeńni ŭvozu ŭ Rasiju pradukcyi nienaležnaj jakaści i biaśpieki. U advarotnym vypadku, skazaŭ jon, rasijski bok budzie vymušany zabaranić pastaŭki małočnaj pradukcyi ź Biełarusi.
***
Z pačatku 2016 hoda, pa dadzienych Raśsielhasnahlada, na terytoryju Rasii było pastaŭlena bolš za 304 tysiač ton małočnaj pradukcyi biełaruskaha pachodžańnia, u tym liku ŭvieziena bolš za 56 tysiač ton suchoha małaka.
***
Raniej u červieni Raśsielhasnahlad apublikavaŭ dadzienyja ab falsifikacyi małočnaj pradukcyi rasijskimi vytvorcami. Pa źviestkach viedamstva, dla falsifikacyi sucelnaha małaka vykarystoŭvajucca hips, krejdu, myła, vapna, sodu, kruchmał, a taksama bornuju i salicyłavuju kisłaty.
Načalnik milicyi Brahina stralaŭ u svaju žonku. Jana cudam vyžyła9
Kamientary