Расія можа цалкам забараніць пастаўкі малочнай прадукцыі з Беларусі з-за праблем з яе якасцю і бяспекай. Пра гэта паведаміў Рассельгаснагляд па выніках перамоваў кіраўніка ведамства Сяргея Данкверта і намесніка міністра сельскай гаспадаркі Беларусі Аляксандра Субоціна.
Кіраўнік расійскага ведамства, гаворыцца ў паведамленні, прывёў канкрэтныя прыклады паставак сухой малочнай прадукцыі з Беларусі, якая не адпавядае патрабаванням тэхнічнага рэгламенту Мытнага саюза.
Беларусь, падкрэсліў Данкверт, павінна прыняць экстранныя меры па недапушчэнні ўвозу ў Расію прадукцыі неналежнай якасці і бяспекі. У адваротным выпадку, сказаў ён, расійскі бок будзе вымушаны забараніць пастаўкі малочнай прадукцыі з Беларусі.
***
З пачатку 2016 года, па дадзеных Рассельгаснагляда, на тэрыторыю Расіі было пастаўлена больш за 304 тысяч тон малочнай прадукцыі беларускага паходжання, у тым ліку ўвезена больш за 56 тысяч тон сухога малака.
***
Раней у чэрвені Рассельгаснагляд апублікаваў дадзеныя аб фальсіфікацыі малочнай прадукцыі расійскімі вытворцамі. Па звестках ведамства, для фальсіфікацыі суцэльнага малака выкарыстоўваюцца гіпс, крэйду, мыла, вапна, соду, крухмал, а таксама борную і саліцылавую кіслаты.
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам24
Каментары