Prajekt adnaŭleńnia baćkoŭskaha domu byŭ raspracavany jašče ŭ 1991 h.
U interviju BiełaPAN T. Šalahovič adznačyła, što na fundamentach, jakija zachavalisia, hetaha dvuchpaviarchovaha domu (pieršy pavierch — cahlany, druhi — draŭlany), što znachodziacca pa vulicy Bahdanoviča, byŭ uźviedzieny adnapaviarchovy budynak, što spačatku raźmiaščaŭsia punkt pryjomu škłotary, a zatym ofis handiovaj firmy.
«Prajekt adnaŭleńnia baćkoŭskaha domu paeta byŭ raspracavany jašče da 100‑hodździa z dnia naradžeńnia Maksima Bahdanoviča (1891). Aŭtary prajektu uličyli, što ŭ kancy XIX stahodździa na pieršym paviersie raźmiaščałasia Pieršaje mienskaje prychodzkaje vučylišča, a na druhim — kvatery vykładčykaŭ. Voś čamu na pieršym paviersie prapanujecca adkryć škołu ci centar dziciačaj tvorčaści, a na druhim — adnavić abstanoŭku mienskaj intelihiencyi kanca XIX — pačatku XX st. Ekspazycyja druhoha pavierchu pavinna ŭklučać rečavyja, piśmovyja i vyjaŭlenčyja materyjały epochi, u tym liku fatazdymki z archivu siamji Bahdanovičaŭ, apaviadać pra roznabakova adoranych baćkoŭ paeta — Maryju i Adama, a taksama pra talenavitych dziaciej, ‑‑ kaža T. Šalahovič
Jana miarkuje, što ideja adnaŭleńnia baćkoŭskaha domu M. Bahdanoviča, padtrymanaja hramadzkaściu, budzie padtrymana i ŭładami horadu.
-
Pryckieraŭskaja premija 2026 hoda dastałasia čylijcu, jaki stvaraje miražy. Jaho estetyka krochkaści pieramahła manumientalny pafas
-
Minskaja mastačka kaža, što 10 hadoŭ tamu ŭ jaje zabrała karciny kuratarka vystavy — i dahetul nie viarnuła. A sama emihravała
-
Ultymatum Pucinu z łaźni i abmierkavańnie burhieraŭ. Novyja parodyi na Łukašenku rvuć instahram
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary