Kot Łary praciahnie pracu ŭ rezidencyi brytanskich premjeraŭ paśla sychodu Kemierana FOTA
Kot Łary, hałoŭny myšałoŭ na Daŭninh-stryt, 10, nie pakinie za siamjoj Devida Kemierana rezidencyju brytanskich premjer-ministraŭ.
Łary, jaki byŭ uziaty ŭ 2011 hodzie z prytułku, praciahnie žyć u rezidencyi, kali tudy zajedzie Tereza Mej, što, jak čakajecca, zojmie pasadu premjer-ministra ŭ sieradu.
U pres-słužbie kabinieta ministraŭ paviedamili, što Łary źjaŭlajecca dziaržaŭnym čynoŭnikam i nie naležyć siamji Kemieran.
Łary staŭ adnym z samych znakamitych katoŭ na Daŭninh-stryt. U jaho jość ułasny nieaficyjny akaŭnt na tvitary. U 2011 hodzie jamu była pryśviečana kniha «Dziońniki Łary».
Łary staŭ trecim katom u historyi rezidencyi, jaki aficyjna zaniaŭ pasadu hałoŭnaha myšałova.
Z 1989 pa 1997 hod hetu pasadu zajmaŭ kot pa imia Chamfry. Na hetaj pasadzie jon znachodziŭsia pry premjerach Marharet Tetčer, Džonie Miejdžary i Toni Błery. Chamfry syšoŭ u adstaŭku z-za prablem sa zdaroŭjem, choć chadzili čutki, što jaho nieŭźlubiła žonka Błera Šery. Jon pamior u 2006 hodzie, a da svajoj śmierci žyŭ u domie adnaho z słužačych rezidencyi.
U 2007 hodzie pasadu hałoŭnaha myšałova zaniała koška Sibił, jakaja naležała kancleru kaznačejstva krainy Alistera Darlinhu. Adnak Sibił pakinuła svaju pasadu užo ŭ 2008 hodzie, a ŭ 2009 hodzie pamierła. Chadzili čutki, što Sibił nie padabałasia premjer-ministru Hordanu Braŭnu.
Kamientary