Pra heta havorycca ŭ pastanovie praŭleńnia Nacbanka.
Kali z vami zdaryłasia historyja, jakuju apisaŭ mahilaŭčanin «Ukantakcie», zastajecca albo pakinuć manietu na pamiać, albo prydumać joj inšaje prymianieńnie.
Jak tłumačycca ŭ pastanovie, płaciežnymi źjaŭlajucca maniety, jakija majuć niaznačnyja paškodžańni:
- drobnyja drapiny, saskreby mietału, paciortaści, kropkavyja vybainy, zadziryny;
- ahulnaje paciamnieńnie pavierchniaŭ, łakalnyja plamy, adsutnaść blasku pavierchniaŭ;
Raźličycca možna i manietami, na jakich zaŭvažnyja:
- źmieny pieršapačatkovaj formy i pamieraŭ (skryŭlenyja, pryplaskanyja);
- skažeńni vyjaŭ i nadpisaŭ (litarnych i ličbavych), jakija ŭtvoranyja starońnimi pradmietami;
- napłastavańni mietałaŭ, spłavaŭ, łakafarbavych materyjałaŭ i inšych pakryćciaŭ;
- ślady ŭździejańnia vysokich tempieratur i ahresiŭnych asiarodździaŭ (apłaŭleńnie mietału, zakurodymlenaść pavierchni, uzdućcie abo adsłajeńnie pavierchnievaha płasta mietału, treščyny, karazijnyja razbureńni mietału);
- defiekty pradpryjemstva-vytvorcy.
Kali ž manieta nie zachavała cełasnaści, naprykład, jana padzielenaja na častki abo jość skraznyja adtuliny, to raźličycca joj ci abmianiać jaje nie atrymajecca.
Kamientary