Ab tym, što kala Plabani (Maładziečanski rajon) adbyłasia avaryja z udziełam reanimabila, «Rehijanalnaj haziecie» paviedamiŭ čytač.
Viadoma, što mašyna chutkaj dapamohi naležyć dziciačaj balnicy. Na miescy zdareńnia pracujuć dva ekipažy DAI.
Great Wall vykinuła za miežy prajeznaj častki, kiroŭcu zacisnuła ŭ defarmavanym sałonie. Paźniej 33-hadovaha mužčynu, jaki atrymaŭ traŭmy noh, debłakavali ratavalniki. Jon u balnicy.
Na reanimabili pierad sutyknieńniem byli ŭklučanyja probliskavyja majački. U sałonie chutkaj dapamohi znachodzilisia fielčar i pacyjent-dzicia, ni jany, ni kiroŭca reanimabila nie paciarpieli, paviedamili va UMNS pa Minskaj vobłaści.
Kamientary