Pravaachoŭnyja orhany paśla razhonu pratestnaj akcyi ŭ stalicy Armienii Jerevanie zatrymali 136 demanstrantaŭ.
«Z vulicy Charenacy siońnia ŭ adździaleńnie palicyi byli dastaŭlenyja 136 hramadzian», — havorycca ŭ paviedamleńni pres-słužby palicyi krainy.
Biesparadki kala adździaleńnia palicyi ŭ rajonie Erebuni na ŭskrainie Jerevana, dzie niekalki čałaviek ŭtrymlivajuć u zakładnikach palicejskich, pačalisia ŭ sieradu ŭviečary.
Aktyvisty, jakija pryjšli padtrymać zachopnikaŭ, kidalisia kamieńniem ŭ palicyjantaŭ, a tyja ŭ adkaz vykarystali ślezaciečny haz. Pavodle apošnich źviestak, u vyniku biesparadkaŭ pa miedycynskuju dapamohu źviarnulisia 45 čałaviek.
Zachop zakładnikaŭ u adździele palicyi ŭ Erebuni adbyŭsia 17 lipienia. Padčas zachopu budynka zahinuŭ adzin palicyjant, jašče troje atrymali ranieńni. U chodzie pieramoŭ uładam udałosia damovicca ab vyzvaleńni niekalkich zakładnikaŭ.
Ludzi, što zachapili budynak, patrabujuć vyzvaleńnia lidara pravaradykalnaha palityčnaha ruchu pad nazvaj «Ustanoŭčy parłamient» Žyrajra Siefilana.
Kamientary