Праваахоўныя органы пасля разгону пратэстнай акцыі ў сталіцы Арменіі Ерэване затрымалі 136 дэманстрантаў.
«З вуліцы Харэнацы сёння ў аддзяленне паліцыі былі дастаўленыя 136 грамадзян», — гаворыцца ў паведамленні прэс-службы паліцыі краіны.
Беспарадкі каля аддзялення паліцыі ў раёне Эрэбуні на ўскраіне Ерэвана, дзе некалькі чалавек ўтрымліваюць у закладніках паліцэйскіх, пачаліся ў сераду ўвечары.
Актывісты, якія прыйшлі падтрымаць захопнікаў, кідаліся каменнем ў паліцыянтаў, а тыя ў адказ выкарысталі слезацечны газ. Паводле апошніх звестак, у выніку беспарадкаў па медыцынскую дапамогу звярнуліся 45 чалавек.
Захоп закладнікаў у аддзеле паліцыі ў Эрэбуні адбыўся 17 ліпеня. Падчас захопу будынка загінуў адзін паліцыянт, яшчэ трое атрымалі раненні. У ходзе перамоў уладам удалося дамовіцца аб вызваленні некалькіх закладнікаў.
Людзі, што захапілі будынак, патрабуюць вызвалення лідара праварадыкальнага палітычнага руху пад назвай «Устаноўчы парламент» Жырайра Сефіляна.
Цяпер чытаюць
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны24
Каментары