U subotu 23 lipienia na terytoryi Minskaha zavoda technałahičnych mietałakanstrukcyj zahinuŭ rabočy. Mužčynu prycisnuła šmattonnaja belka. Infarmacyju paćvierdzili va Upraŭleńni Śledčaha kamiteta pa Minsku.
«Subotniaj ranicaj prykładna ŭ 10.30 na pradpryjemstvie Minskaha zavoda technałahičnych mietałakanstrukcyj adbyłasia pazaštatnaja situacyja, u vyniku jakoj byŭ śmiarotna traŭmavany adzin z rabočych. U ciapierašni čas Partyzanskim rajonnym adździełam SK vyśviatlajucca ŭsie abstaviny zdareńnia, pryznačany šerah ekśpiertnych daśledavańniaŭ», - raspavioŭ aficyjny pradstaŭnik USK pa Minsku Alaksiej Klimovič.
Pa vynikach pravierki incydentu budzie dadziena pravavaja acenka. Zahinułamu było 55 hadoŭ.
Minski zavod technałahičnych mietałakanstrukcyj ŭvachodzić u strukturu AAT «Pramtechmantaž». Heta adno ź viadučych pradpryjemstvaŭ Biełarusi pa vyrabie budaŭničych i technałahičnych mietałakanstrukcyj.
Kamientary