Heta ŭžo druhi viadomy vypadak paśla denaminacyi. Praŭda, pieršaja sproba raźličycca padroblenaj kupiuraj pravaliłasia.
Viečaram 26 lipienia ŭ adnym z handlovych abjektaŭ Hrodna pry pieraraźliku vyručki rabotniki zaŭvažyli kupiuru ŭ 20 rubloŭ z prykmietami padrobki. Pra heta paviedamlaje Śledčy kamitet.
Padazronuju banknotu kanfiskavali i nakiravali dla praviadzieńnia ekśpiertnych daśledavańniaŭ. Śpiecyjalisty Hrodzienskaha mižrajonnaha adździeła Dziaržaŭnaha kamiteta sudovych ekśpiertyz ustanavili, što jaje vyrabili ŭ bytavych umovach z vykarystańniem kapiravalna-razmnažalnaj techniki.
Asnoŭnyja prykmiety, jakija pakazvajuć na jaje padrobku:
- nieadpaviednaść pamieru;
- nievyraznaść kolerapieradačy malunkaŭ;
- adsutnaść vadzianoha znaka;
- niesupadzieńnie vyjaŭ ličbaŭ «20»;
- adsutnaść ŭcisnutaści abo vypukłaści papiery;
- nievyraznaść drobnych elemientaŭ;
- nievyraznaść mikratekstu;
- farba na kupiury rastvarajecca pad uździejańniem vady.
Zaviedziena kryminalnaja sprava.
Milicyja šukaje čałavieka, jaki raźličyŭsia padroblenaj kupiuraj.
Pieršy vypadak padrobki novych biełaruskich hrošaj adbyŭsia ŭ siaredzinie lipienia ŭ Hłybokim Viciebskaj vobłaści. Pryčym u abodvuch vypadkach padrablali hrašovuju banknotu vartaściu 20 rubloŭ.
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary