U dačynieńni da studenta adnaho z homielskich VNU raspačata kryminalnaja sprava za chulihanstva.
Maładomu čałavieku moža pahražać abmiežavańnie voli da piaci hadoŭ abo pazbaŭleńnie voli da dziesiaci hadoŭ, paviedamlaje UUS Homielskaha abłvykankama.
18-hadovy žychar Rahačova pryjšoŭ zajmacca ŭ spartyŭnuju zału himnazii rajonnaha centra.
Junak zaŭvažyŭ adkryty ŭ suviazi z ramontam pakoj, dzie zachoŭvalisia dźvie pnieŭmatyčnyja vintoŭki «Iž-38» dla zaniatkaŭ pa vajennaj padrychtoŭcy. Zabraŭšy vintoŭki i patrony, małady čałaviek vyjšaŭ sa svaimi siabrami na vulicu.
Pastralać ź pnieŭmatyki chłopcy vyrašyli pa 14-hadovamu padletku, jaki znachodziŭsia niepadalok. I adzin ź pieršych strełaŭ trapiŭ jamu ŭ kalena — chłopčyka pavieźli ŭ chirurhičnaje adździaleńnie rajonnaj balnicy, adnak dastać inšarodnaje cieła z kalennaha sustava zmahli tolki ŭ Homieli.
Kamientary