Navukova-daśledčy i prajektna-kanstruktarski instytut enierhietyčnych technałohij AT «Atamprajekt» praviadzie metavuju pieraacenku biaśpieki (stres-testy) Biełaruskaj AES, havorycca ŭ materyjałach, apublikavanych na sajcie zakupak «Rasatama».
Pavodle dakumientacyi, damova pra heta zaklučanaja ŭ metach vykanańnia kantrakta pamiž RUP «Biełaruskaja AES» i ZAT «Atambudekspart», zaklučanaj u ramkach mižuradavaha pahadnieńnia pamiž Rasijaj i Biełaruśsiu ab zbudavańni AES ad 2012 hoda.
Košt damovy — 15,34 młn rasijskich rubloŭ. Termin vykanańnia rabot: z 1 pa 10 vieraśnia 2016 hoda. Meta rabot — pieraacenka biaśpieki Biełaruskaj AES pry ŭźniknieńni ekstremalnych źniešnich uździejańniaŭ, jakija pieravyšajuć praduhledžanyja prajektam AES hraničnyja značeńni, a taksama pavyšeńnie ŭstojlivaści da pazaprajektnaj avaryi AES.
Pry padrychtoŭcy pieraacenki buduć razhladacca takija padziei, jak ziemlatrusu, zatapleńnia, ekstremalnyja ŭmovy nadvorja, nastupstvy straty funkcyj biaśpieki, vyklikanyja strataj elektrazabieśpiačeńnia AES.
Pa vynikach praviedzienaha analizu budzie raspracavanaja spravazdača, a pry nieabchodnaści praviedzienyja dadatkovyja analizy abo raźliki.
Kamientary