Навукова-даследчы і праектна-канструктарскі інстытут энергетычных тэхналогій АТ «Атампраект» правядзе мэтавую пераацэнку бяспекі (стрэс-тэсты) Беларускай АЭС, гаворыцца ў матэрыялах, апублікаваных на сайце закупак «Расатама».
Паводле дакументацыі, дамова пра гэта заключаная ў мэтах выканання кантракта паміж РУП «Беларуская АЭС» і ЗАТ «Атамбудэкспарт», заключанай у рамках міжурадавага пагаднення паміж Расіяй і Беларуссю аб збудаванні АЭС ад 2012 года.
Кошт дамовы — 15,34 млн расійскіх рублёў. Тэрмін выканання работ: з 1 па 10 верасня 2016 года. Мэта работ — пераацэнка бяспекі Беларускай АЭС пры ўзнікненні экстрэмальных знешніх уздзеянняў, якія перавышаюць прадугледжаныя праектам АЭС гранічныя значэнні, а таксама павышэнне ўстойлівасці да пазапраектнай аварыі АЭС.
Пры падрыхтоўцы пераацэнкі будуць разглядацца такія падзеі, як землятрусу, затаплення, экстрэмальныя ўмовы надвор'я, наступствы страты функцый бяспекі, выкліканыя стратай электразабеспячэння АЭС.
Па выніках праведзенага аналізу будзе распрацаваная справаздача, а пры неабходнасці праведзеныя дадатковыя аналізы або разлікі.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак16
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары