Jeŭrapiejski sajuz śćviardžaje, što ŭ ciapierašni čas adsutničajuć paćviardžeńni zajavam rasijskich čynoŭnikaŭ ab padziejach u Krymie, i zajaŭlaje ab padtrymcy cełasnaści Ukrainy, uklučajučy Krym.
Pra heta havorycca ŭ kamientary pradstaŭnictva Jeŭrapiejskaha sajuza va Ukrainie, dadzienym pa zapycie «Jeŭrapiejskaj praŭdy».
«Nam nie viadoma pra jakija-niebudź dokazy ŭ paćvierdžańnie zajaŭ Rasii pra padziei ŭ Armiansku», — zajaviŭ Jurhis Vilčynskas, kiraŭnik adździeła presy i infarmacyi dypmisii.
«My ćviorda zastajomsia na pazicyi padtrymki terytaryjalnaj cełasnaści i suvierenitetu Ukrainy, a taksama prahramy reformaŭ. ES zaklikaje da mirnaha rašeńnia kanfliktu, u tym liku taho, što idzie va Uschodniaj Ukrainie», — padkreśliŭ jon, nahadaŭšy ab asudžeńni Jeŭrasajuzam niezakonnaj anieksii Kryma z boku RF.
Zatym pres-sakratar ES pa pytańniach źniešniaj palitycy Maja Kaśjančyč u kamientary «Jeŭrapiejskaj praŭdzie» paćvierdziła, što zajava jaje kalehi źjaŭlajecca aficyjnaj pazicyjaj ES adnosna padziej u Krymie i na miažy z macierykovaj Ukrainaj.
Ciapier čytajuć
Pieršaja viasna na voli. Nina i Uładzimir Łabkovičy raskazali pra svaju historyju kachańnia i žyćcio paśla turmy5
Kamientary